築地‧山貴水產市場 (已結業)

之前因為有生蠔任食優惠，咁啱以前同朋友都係附近返工，所以朋友建議嚟呢度試一下。環境開陽光猛，對住靚景，但係坐得好迫，一啲都唔舒服。其實同朋友一心諗住食生蠔不過要嗌滿一個金額嘅食物先至可以再加錢享用任食生蠔嘅優惠，所以我哋都點咗壽司同其他嘅食物，壽司好普通其實根本就唔需要特登嚟食。食完壽司終於開始食生蠔，每一round係12隻，就算可以比你叫得多其實張枱都放唔落。生蠔算新鮮乾淨，加咗調味，我哋都食咗四round，抵返晒。如果未試過趁有優惠試吓無防，但係特登去就不必啦。