Crostini Bakery & Cafe (已結業)

感覺好舒服嘅餐廳，都聽過朋友講好好嘅評語，所以嚟試下。第1次嚟食，職員都好用心介紹，唔會覺得我未幫襯就唔耐煩。我諗緊食咩嘅時候，有位媽媽帶夠女買咗個鬆餅，嗰個職員話有綠色嘢有9折，例如手機殼都得。我點咗椰子水咖啡，少冰，因為我怕飲凍嘢，仲已確定無奶。再要牛角包，煙三文魚，紅毛菜，唔要醬汁。職員話用個一樣價錢嘅入單。仲俾咗折我。 等咗一陣就有得食喇~ 個牛角包好鬆軟，係正嘅。 煙三魚都多架，菜同芝士都好味。 不過個椰子水咖啡就可一不可再喇，只可以話味道甜甜地，好特別咁啦。冰都係勁多，我後嚟攞住杯咖啡走，隔咗15分鐘，再攞曬d冰出嚟，都成10粒8粒架，唔怪之得冰到咁緊要。之前飲 Starbucks 嘅冷萃咖啡都感覺好好呀。如果鍾意飲凍嘢嘅人就可能鍾意。