影片
更多
2022-11-09
103 瀏覽
介紹返💁🏻♀️。。🇹🇼 台灣嘢 在灣仔 🇹🇼。茶軒。大同大廈地下1&2號舖。全日套餐台瘋椒麻雞飯。是日台灣小吃。飲品。是日甜品。HKD78一人火鍋沙茶湯。飲品豬肉片。豬血糕。貢丸。鮮蝦。高麗菜。蛋。豆腐。大豆皮。金針菇。蟹棒配主食 - 麵 / 粉絲 / 飯。HKD98麥香烏龍。HKD28。跟餐 唔使加錢黒糖珍珠鮮奶。HKD25 @ Hot。HKD28 @ Cold。跟餐 加HKD8🤫 又係朋友係要見架～系列..我要嚴正聲明我唔係一個重色輕友嘅朋友🤭..所以係時候約下朋友仔出嚟見面食餐飯吹吓水..咁朋友仔喺金鐘同灣仔中間返工嘅..我哋一於喺呢一帶搵間嘢嚟試吓..然後比我喺社交平台碌到一間睇落環境幾舒適嘅台式餐廳..一於就揀佢啦🤫 講緊嘅就係位於灣仔方向大同大廈嘅茶軒..咁因為我哋約咗六點半開餐..咁早就梗係大把位任坐..我哋揀咗一個喺窗邊落地玻璃嘅四人卡位坐..然後就一齊研究吓個Menu..發現原來茶軒夜晚黑嘅Menu比較簡單..主要係四個台式套餐同三種唔同嘅一人邊爐..朋友仔就揀咗睇相好似好豐富嘅台瘋椒麻雞飯套餐..而我就一於試吓呢度嘅沙茶湯底一人一鍋🤫 先嚟講下朋友仔個台式Set先.
。
。
🇹🇼 台灣嘢 在灣仔 🇹🇼
。茶軒
。大同大廈地下1&2號舖
。
全日套餐
台瘋椒麻雞飯。是日台灣小吃。飲品。是日甜品
。HKD78
一人火鍋
沙茶湯。飲品
豬肉片。豬血糕。貢丸。鮮蝦。高麗菜。蛋。豆腐。大豆皮。金針菇。蟹棒
配主食 - 麵 / 粉絲 / 飯
。HKD98
麥香烏龍
。HKD28
。跟餐 唔使加錢
黒糖珍珠鮮奶
。HKD25 @ Hot
。HKD28 @ Cold
。跟餐 加HKD8
🤫 又係朋友係要見架～系列..我要嚴正聲明我唔係一個重色輕友嘅朋友🤭..所以係時候約下朋友仔出嚟見面食餐飯吹吓水..咁朋友仔喺金鐘同灣仔中間返工嘅..我哋一於喺呢一帶搵間嘢嚟試吓..然後比我喺社交平台碌到一間睇落環境幾舒適嘅台式餐廳..一於就揀佢啦
🤫 講緊嘅就係位於灣仔方向大同大廈嘅茶軒..咁因為我哋約咗六點半開餐..咁早就梗係大把位任坐..我哋揀咗一個喺窗邊落地玻璃嘅四人卡位坐..然後就一齊研究吓個Menu..發現原來茶軒夜晚黑嘅Menu比較簡單..主要係四個台式套餐同三種唔同嘅一人邊爐..朋友仔就揀咗睇相好似好豐富嘅台瘋椒麻雞飯套餐..而我就一於試吓呢度嘅沙茶湯底一人一鍋
🤫 先嚟講下朋友仔個台式Set先..估唔到今時今日仲可以喺灣仔食一個只係七十八蚊嘅晚餐..仲要幾豐富架喎..等我講吓個餐包咗啲咩先..兩個前菜分別係..涼拌木耳同埋酸菜粒粒..兩樣都非常之爽口開胃..而且以前菜嚟講份量都唔算少喎..然後椒麻雞仲厲害..除咗做得到外脆內軟之外仲幾Juicy添..而份量勁多..有兩大塊雞扒咁滯..另外朋友仔話佢好欣賞呢度啲肉燥喎..佢話呢度啲肉燥唔係平時出邊好大機會食到嘅剩係得肉碎..而係有肥有瘦嘅肉燥..仲要夠入味個喎..真心估唔到有呢個質素..然後個餐仲跟咗一個貢丸湯..咁個湯就正常口味啦..冇乜太特別..最後個餐仲有兩粒迷你黑糖花生糯米糍..朋友仔分咗一粒俾我食..煙靭得嚟花生味香濃..唯一就係黑糖唔知點解有啲咖啡味咁嘅款🤭
🤫 另外就講吓我嘅一人一鍋啦..茶軒呢度嘅一人一鍋有四種口味..牛肉味啦..沙茶味啦..雞味同埋麻辣湯底..咁我就梗係揀出邊一人一鍋好少見到有嘅沙茶湯底啦..唔講啲餸..淨係個湯底都真係唔錯..味道夠晒香濃..然後豬肉片大概有五六片左右啦..肉質都OK嘅..另外仲有兩粒大貢丸一隻中蝦..兩嚿豬血糕..五六嚿豆腐..一大住金菇..兩條顏色非常之鮮艷嘅蟹柳..同埋我本身以為係響鈴嘅大豆皮..淨係聽我數都知其實真係幾豐富..我最欣賞嘅除咗係豬肉片之外就係嗰兩粒大貢丸..又真係台灣食到嗰種好好味嘅貢丸喎..然後大豆皮呢..我都未試過食嘅之前..點樣形容好呢..類似羅漢齋入邊嗰啲腐皮..都幾吸湯..好適合打邊爐食..然後隻蝦正常啦..差啲唔記得講..個煲入邊仲有超級勁多嘅高麗菜..食咁多菜即刻覺得自己好健康..仲有就係跟鍋再可以揀一碗粉絲做主食..真心係可以飽到上心口㗎
🤫 嘢食講完而家就介紹埋啲嘢飲先..我就揀咗跟餐唔使加錢嘅麥香烏龍..咁冷泡茶度度都差唔多嘅對我嚟講..茶味算香濃..最緊要夠凍又解渴..一邊打邊爐一邊飲就最啱啦..然後朋友仔就揀咗肥仔水🤭..凍嘅黒糖珍珠鮮奶..佢冇特別形容俾我聽味道如何..不過我就見到佢咕嚕咕嚕咁樣勁快飲晒兼且啜晒所有珍珠
🤫 總括嚟講..茶軒嘢食嘢飲都唔錯..而且餐廳嘅樓底真係非常之高..就算好多人入咗嚟坐都唔會覺得話好困聲..而且座位都分得好開..又真係幾舒服嘅..最適合就係好似我哋咁樣一邊吹水一邊食飯..然後雖然話呢度晚飯選擇唔多..但係勝在真心性價比..兩個餐嘅份量其實應該夠三個人食咁滯..值得大家嚟試吓㗎
。。
翻兜指數：🙆🏻♀️🙆🏻♀️（5個🙆🏻♀️為翻兜爆燈）
。。
張貼
