影片
更多
2023-03-13
796 瀏覽
去試之前有一個小插曲都幾搞笑，話說今日去緊呢間餐廳 meet 朋友A嘅時候，朋友B竟然喺同一時間send咗呢間餐廳嘅link俾我同我講佢而家喺嗰度食緊，覺得好好食所以推薦呢間餐廳俾我(事前佢係唔知道我去緊呢間餐廳同朋友A食飯的)🤣🤣🤣睇嚟呢間餐廳都真係出咗名好食😙😙呢間餐廳都幾特別嘅，你可以先揀四款意粉嘅其中一款，再揀上面嘅配料。自己揀咗明太子忌廉闊條麵，再加火炙三文魚腩做配料。朋友就揀咗香蒜橄欖汁意粉，再加M7 牛腰脊肉做配料。其實最後我兩款都試過，就覺得配料黎講牛腰脊肉會高分過三文魚腩，但係意粉黎講明太子忌廉闊條麵會高分過香蒜橄欖汁意粉😂😂😂但整體嚟講都絕對係誠意之作。食落口就feel到店家無論喺意粉汁嘅調味，定係口感上面都有落過功夫。特別想讚明太子意粉個汁能夠做到唔太稀，但又唔太稠，食到一粒粒明太子嘅感覺，同Creamy嘅忌廉汁非常地夾，所以攞嚟配闊條麵真係一個絕佳嘅選擇！三文魚腩食落香口，既有三文魚嘅香味，又有被火炙之後嘅甘甜油香；牛肉口感紮實得黎一啲都唔柴，燒嘅熟度啱啱好，雖然係貴$100 ，但係真係份量多啲嘅😂😂😂火炙三文魚腩配明太子忌廉闊條麵 $138M7 牛腰脊肉配香蒜
呢間餐廳都幾特別嘅，你可以先揀四款意粉嘅其中一款，再揀上面嘅配料。
自己揀咗明太子忌廉闊條麵，再加火炙三文魚腩做配料。朋友就揀咗香蒜橄欖汁意粉，再加M7 牛腰脊肉做配料。
其實最後我兩款都試過，就覺得配料黎講牛腰脊肉會高分過三文魚腩，但係意粉黎講明太子忌廉闊條麵會高分過香蒜橄欖汁意粉😂😂😂但整體嚟講都絕對係誠意之作。
食落口就feel到店家無論喺意粉汁嘅調味，定係口感上面都有落過功夫。特別想讚明太子意粉個汁能夠做到唔太稀，但又唔太稠，食到一粒粒明太子嘅感覺，同Creamy嘅忌廉汁非常地夾，所以攞嚟配闊條麵真係一個絕佳嘅選擇！
三文魚腩食落香口，既有三文魚嘅香味，又有被火炙之後嘅甘甜油香；牛肉口感紮實得黎一啲都唔柴，燒嘅熟度啱啱好，雖然係貴$100 ，但係真係份量多啲嘅😂😂😂
火炙三文魚腩配明太子忌廉闊條麵 $138
M7 牛腰脊肉配香蒜橄欖汁意粉 $238
👩🏻💻8.5/10
順帶一提，佢哋個沙律好好食，連平時唔鍾意食火箭菜嘅我都一口氣食埋啲火箭菜，因為佢嘅芝士同埋ham 為佢加咗太多分。😂😂😂😂如果你唔鍾意食沙律， 你可以揀個湯， 朋友話係好好飲嘅。所以成個lunch set係堅尼地城呢個地段都算好高CP值。
張貼
