影片
更多
2019-09-22
380 瀏覽
香港人對於飲茶一定唔會陌生，而外國人一諗到香港嘅特食食物又一定離唔開點心，今日係中環就試左一間適合一家大細，又適合同外國朋友黎嘅好地方-位於中環嘅名館。行上二樓，一開門就見到帶點華麗清新嘅店面，中式菜館嘅微黃燈光、西餐廳嘅小吊燈、雲石枱，已經覺得耳目一新。原來越晏越多人，好在早d黎😊呢度星期一至日都有做下午茶點心放題，平日就98加一，假期就128加一，但睇完點心紙我地決定都係試下，因為真係好多選擇，仲有好多係精緻創新嘅點心，睇個名都令人好感大增、食指大動。1.選擇困難症首選：宮廷點心拼盤平時嘅點心拼盤通常都係蝦餃燒賣嗰類嘅點心，各有一至兩粒，種類可能係三四種左右，但係點都估唔到呢度嘅宮廷點心拼盤係包咗鹹甜點，仲用一個好靚嘅架上嚟，完全唔係盤咁簡單。最底係金箔紅菜頭餃，入面係鮮蝦，皮好煙韌唔太厚，上一層係2款開胃小食，魚皮絲同雲耳，魚皮絲好少食到，質感爽滑，配上青瓜好清新，再上一層有2個奶凍同餚肉，最頂係造型好精緻嘅天鵝酥，呢個真係好特別，外面金黃香脆，入面竟然係香軟嘅紫薯茸。2.打卡創意之選：雪茄鮮蝦春卷咖啡色卷外表似足雪茄，仲有動態效果有煙出黎，春卷皮夠薄脆，鮮蝦又爽口，食同色都滿足
行上二樓，一開門就見到帶點華麗清新嘅店面，中式菜館嘅微黃燈光、西餐廳嘅小吊燈、雲石枱，已經覺得耳目一新。
原來越晏越多人，好在早d黎😊呢度星期一至日都有做下午茶點心放題，平日就98加一，假期就128加一，但睇完點心紙我地決定都係試下，因為真係好多選擇，仲有好多係精緻創新嘅點心，睇個名都令人好感大增、食指大動。
1.選擇困難症首選：宮廷點心拼盤
平時嘅點心拼盤通常都係蝦餃燒賣嗰類嘅點心，各有一至兩粒，種類可能係三四種左右，但係點都估唔到呢度嘅宮廷點心拼盤係包咗鹹甜點，仲用一個好靚嘅架上嚟，完全唔係盤咁簡單。
最底係金箔紅菜頭餃，入面係鮮蝦，皮好煙韌唔太厚，上一層係2款開胃小食，魚皮絲同雲耳，魚皮絲好少食到，質感爽滑，配上青瓜好清新，再上一層有2個奶凍同餚肉，最頂係造型好精緻嘅天鵝酥，呢個真係好特別，外面金黃香脆，入面竟然係香軟嘅紫薯茸。
2.打卡創意之選：雪茄鮮蝦春卷
咖啡色卷外表似足雪茄，仲有動態效果有煙出黎，春卷皮夠薄脆，鮮蝦又爽口，食同色都滿足哂
3.真香港味道。真材實料之選：真菠蘿包
一到已經急不及待搣開同食，太驚喜了，忘記影相，入面係有菠蘿肉加菠蘿蓉，麵包較一般麵包店嘅鬆脆，唔會太甜但口感好豐富，脆、軟、甜、香齊哂 細細個真係好岩女仔食，唔驚邊食邊甩皮。
4.難分真與假，卻比想象更多：流心紫薯果
就咁睇以為係小蕃薯，一夾起就知無咁簡單，原來係外皮酥皮，中間紫薯蓉，最入係奶皇流心！
又睇得又食得，仲要有驚喜，原來食點心都可以咁有趣！
5. 傳統味道健康之選：京川滑餃子
餃子皮好薄又滑，饀料以菜為主又唔多油，夠哂健康，個汁係少少酸辣，又唔會搶左鮮味。造型又係值得加分，幾有特色。
最後要讚嘅係蕎麥茶，茶味香濃唔會苦，仲好去油消滯，店內有得買完翻去自己沖，聽講有d客人真係好喜歡呢種茶所以會咁做。
溫馨提示：店內仲有好多特色點心，但人少真係食唔到，因為即使係點心放題，都係俾正常size你，想試多d款真係要叫親戚朋友一齊飲啖茶，食個包，打下卡先得。
餐牌上中英對譯，同外國朋友黎都無難度，有d太可愛嘅點心名唔知材料係咩，建議睇埋英文會清楚d。
每樣點心件數都唔同，如果唔想浪費可以問下店員先，佢地都好友善
呢個價錢係中環坐得舒服仲食得開心，真係唔話得！下次飲茶唔一定要去酒樓喇
題外話，濕紙巾都好可愛
張貼
