Lemon Exchange (已結業)

原本諗住開開心心訂到會開party.. 所以我地前一日已經打電話去落左order... 叫佢地個晚八點左右送到.. 點知到左個晚大約八點幾九點.. 都仲未見有野食送到.. 咁我地咪打電話去問下囉.. 打咗勁耐先有個女仔聽電話... 我問佢"我地係邊度邊度訂左八點鐘到會架, 但係到而家都仲未到, 咁其實你地幾時出門口送黎架?" 個女仔竟然話"其實你地D野食已經整好晒, 不過因為有個人客訂左七點半, 早過你地既訂餐時間, 所以我地個司機會送左俾七點半既客人先會再送野食去你地度!" 我地咪話"咁D野食咪凍晒囉??" 佢就答"最多俾個九折你哩?!" 咁就收左線(簡直無奈)大約到左十點鐘左右.. 都仲有未有野食.. 咪又再打過去囉.. 個電話響就係響.. 但係點都無人聽.. 仲要飛去留言信箱.. 我地咪係咁打.. 留埋言.. 點知都係無人肯接過電話... 途中因有個好友因為太餓既關係而搞到胃痛.. 最後仲要陪佢去睇醫生.. 搞到成零晨兩點幾先去左老麥買外賣.. 最過份就係直到今時今日都仲未收過佢地個電話 零九年既聖誕節就咁過左啦.. 真係唔況唔"平安夜"