金寶泰國菜館 (已搬遷) 新店位置

今日見早收工又想食泰國野，在毫無頭緒下就上網睇睇介紹。見到九龍城有間金寶泰國菜館就試試啦。點知唔試又至可，一試就把火。第一味＂蝦刺身＂雖然蝦身夠大隻，但全無蝦嘅鮮味，肉實而不爽。收$70略貴。第二味＂雜錦串燒＂味道尚可，收$60可以接受。第三樣＂咖喱炒蟹＂完全唔可以接受，無咖喱味之餘油又太多。唔知以為叫錯油泡蟹囉。眾所週知咖喱蟹嘅靈魂係咖喱。唔明點解可以整得咁差囉。收$128一啲都唔值。