影片
更多
2023-09-28
172 瀏覽
星期四三點半左右嚟到食個tea，諗住新開應該都唔錯，加上前排見到好多宣傳，所以懷着興奮又緊張嘅心情嚟試吓🥳🥳🥳係出面望入去入座率大概三成左右，所以就行入去話2位唔該～ 點知都係要攞飛等🫥我朋友都呆咗，「吓咁多位都要等...?」可能啱啱新開，人手未ready掛😅唔緊要！都係等咗幾分鐘！一路入去朋友就話「啲音樂咁大聲，有啲難傾計喎⋯⋯」原來個喇叭係正上面，唔緊要！「麻煩幫我調位可以嘛？」因為係個閃下閃下嘅LED wall前食嘢我都覺得有啲暈⋯「噢係咪個LED令你暈呢？」原來你都知⋯⋯入到去其實有好多張卡位，我同友人都拎住幾個袋，但最後安排咗個兩座位枱櫈俾我哋，唔緊要！我見我附近都冇乜人，拉張凳放野應該可以嘅。但其實餐廳真係算少人，但都係好嘈，原因係喇叭真係好大聲⋯⋯都算了。我覺得可能係啱啱開始做所以啲野未run得咁smooth，呢啲好容易改善到嘅，都冇乜影響心情，繼續落單食嘢。我哋叫咗2杯野飲，分別係荔枝檸檬茶同埋百香果檸檬茶。友人嘅荔枝味真係完全飲唔出係咩嚟⋯⋯好彩我杯百香果都幾香幾好味。之後就上疏乎厘，好大個好似好正！但上碟個陣友人見到隻碟有噠污糟咗，所以拎起咗，想叫侍應換咗佢。「我知
一路入去朋友就話「啲音樂咁大聲，有啲難傾計喎⋯⋯」原來個喇叭係正上面，唔緊要！「麻煩幫我調位可以嘛？」因為係個閃下閃下嘅LED wall前食嘢我都覺得有啲暈⋯「噢係咪個LED令你暈呢？」原來你都知⋯⋯
入到去其實有好多張卡位，我同友人都拎住幾個袋，但最後安排咗個兩座位枱櫈俾我哋，唔緊要！我見我附近都冇乜人，拉張凳放野應該可以嘅。但其實餐廳真係算少人，但都係好嘈，原因係喇叭真係好大聲⋯⋯都算了。我覺得可能係啱啱開始做所以啲野未run得咁smooth，呢啲好容易改善到嘅，都冇乜影響心情，繼續落單食嘢。
我哋叫咗2杯野飲，分別係荔枝檸檬茶同埋百香果檸檬茶。友人嘅荔枝味真係完全飲唔出係咩嚟⋯⋯好彩我杯百香果都幾香幾好味。
之後就上疏乎厘，好大個好似好正！但上碟個陣友人見到隻碟有噠污糟咗，所以拎起咗，想叫侍應換咗佢。
「我知呀！你一拎起我就見到啦！」
⋯⋯？
從來未係Openrice出過食評，但呢間餐廳嘅服務係值得出一個評價俾大家知道真係好差好差。當中食物唔好食，環境唔啱心水，我都可以當係我品味問題。但餐具唔乾淨仲咁大聲話個客人，真係佛都有火。警世。
張貼
