鳥棲日本料理 (已結業)

在駱駝漆附近買完運動用品之後，即刻搵地方醫肚，看見餐牌幾吸引便與老婆試下。餐廳裝修似西式餐廳，後來才記起之前應該是西餐，所以仍保留開放式廚房，但餐枱及椅等應該換了。先來一杯藍桔富士山，因為之前見到隔離枱都點了而會變色，覺得幾吸引所以跟住點，上面係VANILLA 雪糕加梳打，幾夢幻。自慢燒牛肩胛，自己控制生熟情度，牛肉的質素都幾高，有牛味，6片都只係$68，幾抵食。鱈魚魚乾普通，乾了少少。之後有我最鍾愛的吉列廣島蠔，蠔的SIZE 比其他日式鋪大，炸得外脆內香，高水準都只係$58但有5隻，超抵食。花魚一夜干亦係我至愛之一，曾經在大阪機場買了3條回家自己燒，當然佢地的水平梗係好好多，中間的魚肉好嫩滑，亦唔會太鹹。最後來一客原條鰻魚炒飯，唔知佢地係邊到入貨，鰻魚的SIZE 大過超市30%以上，以$128買條鰻魚都抵，炒飯再炒乾身一D，會有更好配搭。2個人食都係$420左右，性價比超高。