Rakuraku 樂拉麵 (康怡廣場北座) (已結業)

囡囡放學後，又帶佢去近近哋既康怡食飯。囡囡鍾意日本菜，佢話好耐冇食過拉麵，揀咗樂拉麵食晚飯。我地叫了一個香蔥雞湯拉麵，同一個蒲燒鰻魚飯，再加個和風沙律，多啲蔬菜平衡營養。先來和風沙律，有車厘茄，生菜，粟米粒，青瓜片同昆布，醬汁就係芝麻汁，幾清新開胃。香蔥雞湯拉麵面頭有好多蔥，糖心蛋流心，望到都想食。湯底濃郁，有雞味，拉麵幾彈牙，配埋啲爽口嘅木耳絲，十分美味。蒲燒鰻魚飯的鰻魚燒得甘香，鰻魚肥美，配粒粒分明嘅珍珠米，及甜甜地嘅鰻魚汁，非常好味，大家都食得津津有味。餐廳環境幾闊落，我哋坐卡位幾舒服，牆上有一啲色彩繽紛嘅貓貓圖案，很可愛。