橘焱胡同燒肉夜食 (已結業)

幾乎隔個月去台灣都一定要食嘅胡同烤肉，因為今年再無多餘嘅假去旅行~唯有喺香港止下渴先🤣Book左位都要等㗎~因為唔係得你一個識book枱~ 一上到去就見到人頭湧湧，不過有好野食等下又有乜所謂？而且都係等15分鐘左右啫，其間啲員工起碼過左黎兩次用好誠懇嘅態度話你知就快有位~非常有交帶，再等多15分鐘又點話丫❤食物種類大致上同台灣差唔多，味道都有返咁上下啦～服務當然一樣。。。有專人幫你燒埋，唔使擔心顧住同朋友傾偈搞到啲肉燒燶晒🤣蟹膏生干貝 – 100蚊2粒值唔值就見仁見智，不過我個人喜歡蟹膏又鍾意帆立貝，而且帆立貝夠鮮甜、蟹膏又多到好似要跌出黎，好難抗拒。鹽蔥牛舌 – 個人喜歡薄切，連埋蔥烤到5成熟啱啱好，薄切牛舌夠爽又有咬口，正!和牛筋條 – 肉質軟身得黎有口，仲有濃濃嘅肉味，食極都好似唔夠喉咁，又一推薦椒鹽雞軟骨 – 呢款同外面食嘅一粒粒雞軟骨好唔同，有少少雞肉黐住每條骨，又唔難~飲返杯一流手羽先 – 即係雞全翼，咪睇佢白白淨好似無味無道咁，佢肉質鮮嫩不特止，仲有啲咸香㗎😋牛五花 – 不得不點嘅item，今次叫左烤肉醬，油花好靚，入口好淋好甜、仲好有肉味❤扇子肉 – 每日限定供應，