又一棧 (已結業)

本人擒晚同六個朋友一行七人打算去又一棧食晚飯, 因為聽人講幾好味, 環境又適合朋友聚舊傾計, 於是我好有誠意噉"早一日", 重覆一次：係早--一--日，打定電話去book枱, book八點十五分七位, 唔要近門口, 當時個侍應話ok。第二晚我地八點到, 佢話張枱未埋單, 噉我地去隔離page one行左十五分鐘, 八點三到, 佢又話未得叫我地等等, 到八點五佢竟然俾門口張細枱我地, 不知所謂, 又話客人多, 又話裡面啲枱未埋單, 噉我訂定枱嚟做乜？你客人多關我鬼事呀？我訂左枱你唔係要保障我o既咩？結果八點九, 足足等咗45分鐘至俾到枱我地, 但我同班朋友都好激氣, 決定去第二間酒樓食, 仲決定以後唔會去又一棧, 叫埋親朋戚友唔好幫襯添。我覺得野食好唔好都係其次, 待客之道好緊要, 尤其係啲客會唔會返轉頭o既關鍵因素, 又一棧呢種早一日book左枱但去到又要等45分鐘o既態度, 一啲都唔似中高級食府, 值得改善指數係十分！