檸檬冰室 (冠天閣)

營業中

休息中

Item: 檸檬冰室 (冠天閣)
Rating: 4
Author: whenwehappy_weeat

Lemon Cafe (Champion Court)

108 食評

味道

環境

服務

衛生

抵食

1167

觀塘

$51-100

港式茶餐廳/冰室

whenwehappy_weeat

等級4

192

介紹返💁🏻‍♀️
。
。
🇭🇰 港式冰室在觀塘 🇭🇰
。檸檬冰室
。冠天閣高層地下
。
檸檬牛油雞中翼
。HKD55 @ 5 pcs

法式牛柳
。HKD128

一口西多伴雪糕
。HKD32

白雪公主
雲呢拿雪糕。雪碧
。HKD32

🤫 尋日Happy Friday..約咗個成兩個月冇見過嘅朋友仔出嚟觀塘行街順便食個飯..咁話說有日搭巴士經過觀塘裕民坊最篤篤嗰邊以前花園餐廳嗰個商場..見到下邊有間黃撳撳嘅餐廳好鬼耀眼..咁咪OpenRice佢睇吓咩料囉..原來呢間嘢叫做檸檬冰室..咁差唔多行完街街要諗食乜嘅時候突然之間諗起佢..所以就好即興咁過咗去試吓啦
🤫 沿路行過去..越行得埋就越覺得佢好燦眼..入到去發現原來成間嘢都真係黃撳撳㗎喎😂..然後打開個Menu..第一個見到嘅嘢食就係檸檬牛油雞中翼..咁一於叫佢啦..嚟到檸檬冰室唔係唔食佢啲檸檬雞翼呀嘛🤪..雞翼上枱嘅時候真係嚇咗一嚇..咩料啲雞翼咁鬼大隻..最大嗰隻差唔多有一包Tempo紙巾咁大..撞鬼佢啊..仲要有成五隻咁多..我哋兩條女都驚咗一驚..究竟我哋食唔食得晒..咁又咁講..雞翼大隻成咁其實係抵玩嘅..然後佢嘅炸皮係酥脆㗎..唔係好熱氣嗰種脆..又幾唔錯喎..而且雞肉嘅肉質都幾新鮮..只係牛油味唔算係太濃烈..好味嘅
🤫 咁因為我哋兩個其實都唔係話真係勁肚餓..咁所以不嬲都唔鍾意食粥粉麵飯嘅我決定叫塊扒嚟鋸吓..我哋冇揀到晚市套餐嗰隻西冷牛扒啊..而係揀咗à la carte嘅法式牛柳..嚟到嘅時候..侍應姐姐都好好咁樣問我需唔需要幫我淋汁..搞掂渣渣聲之後先至放上枱俾我哋..雖然我哋叫咗七成熟..但係可能因為塊鐵板太過熱拎到嚟放上枱嘅時候其實應該已經Well Done..不過都好好彩..佢哋呢一隻牛柳就算Well Done都非常之軟熟..然後牛味都幾出喎..咁本身佢都可以選擇飯意粉薯菜做伴碟嘅..我哋就梗係揀薯菜啦..薯條份量都幾多..蔬菜方面都有啲翠玉瓜青瓜同埋南瓜..成件事都OK好食
🤫 然後我哋呢一餐嘅重點就嚟啦..就係我喺Menu一見到就已經心心眼嘅一口西多伴雪糕..非常之欣賞佢真係熱辣辣上枱㗎..西多士非常之鬆脆..雖然係炸嘅但係一啲都冇油膩感..然後西多士入邊嘅花生醬都足料..正呀喂..而佢嗰球雪糕係朱古力雪糕..咁因為我從來都唔食朱古力嘅..所以就成球俾咗我朋友仔食啦..朋友仔話加埋個雪糕真係Perfect..簡直係有冰火嘅感覺..呢個一口西多士簡直係要大推..做甜品真係一流..BTW..我都好似好耐冇食過西多士啦
🤫 為食嘅我又點可能滿足於此呢..喺Menu裏面除咗見到一口西多士異常吸引之外..另外喺精選特飲嗰度亦都有一樣令到我完全唔能夠抗拒嘅飲品必須要叫..我講緊嘅就係白雪公主..(喂呀..究竟我係咪已經同呢個社會脫節咗㗎啦..明明呢個特飲應該叫做白牛㗎嘛..點解換咗一個咁少女心嘅名嘅🤭) Any肥..雖然個名變咗..但係我係唔會唔認得你㗎白牛..呢個特飲簡直係兒時回憶..最鍾意就係將雪碧打落去雪糕上邊然後飛出嚟嗰啲泡泡..真心爽歪歪..飲埋杯白牛就真係功德圓滿啦
🤫 介紹晒所有嘢食嘢飲..總括要講一講..檸檬冰室雖然係黄撳撳有啲太燦眼..但係其實入到去又覺得周圍環境都幾精神喎..而且佢哋座位嘅模式係大部份都係卡位.. 令到兩三個人嘅食客可以有自己嘅空間都幾舒服..而且鋪面乾淨企理..侍應姐姐們都非常之有禮貌兼且做嘢爽手..另外仲想讚吓佢哋非常之處變不驚..因為隔離有枱食客好鬼麻煩又要係咁調位又要嫌三嫌四..但係侍應姐姐們都非常之耐心應付..你話冰室點會有咁好服務呀平時..係咪抵讚先..而且睇得出佢哋都係做街坊生意為主..價錢同埋食物質素都非常性價比..觀塘嘅街坊們可以過去試吓喎
。。
翻兜指數：🙆🏻‍♀️🙆🏻‍♀️（5個🙆🏻‍♀️為翻兜爆燈）
。。