影片
更多
2023-04-01
37 瀏覽
介紹返💁🏻♀️。。🇯🇵 牡蠣放題 在中環 🇯🇵。喜多嬉牡蠣屋 Katiki Kakiya。一號廣場地下9號舖。食べ放題1時間 All You Can Eat Grilled Oysters & Scallop 1 Hour Plan◎包括：牡蠣刺身。焼牡蠣。焼立貝 ◎Include: Raw Oysters。Baked Oyster。Baked Seallop。HKD398 + 10%食べ放題1時間半 Grilled Oysters & Scallop 1.5 Hour Plan◎包括：牡蠣刺身。燒牡蠣。燒帆立具。牡蠣五島手延烏冬。牡蠣秘製撈五島手延烏冬。喜多嬉牡蠣茶漬飯及多款指定特色串燒◎ Include: Raw Oysters。Baked Oyster。Baked Scallop。Oyster soup Udon。Oyster Mixed Udon。Oyster Soup Rice and Specified Skewer。HKD498 + 10%🤫 尋晚Happy Friday..最Happy嘅就係收到升職嘅Announcement✌🏻一於同食慣好嘢嘅Tata食餐好嘅慶祝吓..
。
。
🇯🇵 牡蠣放題 在中環 🇯🇵
。喜多嬉牡蠣屋 Katiki Kakiya
。一號廣場地下9號舖
。
食べ放題1時間 All You Can Eat
Grilled Oysters & Scallop 1 Hour Plan
◎包括：牡蠣刺身。焼牡蠣。焼立貝
◎Include: Raw Oysters。Baked Oyster。Baked Seallop
。HKD398 + 10%
食べ放題1時間半
Grilled Oysters & Scallop 1.5 Hour Plan
◎包括：牡蠣刺身。燒牡蠣。燒帆立具。
牡蠣五島手延烏冬。
牡蠣秘製撈五島手延烏冬。
喜多嬉牡蠣茶漬飯及多款指定特色串燒
◎ Include: Raw Oysters。Baked Oyster。
Baked Scallop。Oyster soup Udon。
Oyster Mixed Udon。
Oyster Soup Rice and Specified Skewer
。HKD498 + 10%
🤫 尋晚Happy Friday..最Happy嘅就係收到升職嘅Announcement✌🏻一於同食慣好嘢嘅Tata食餐好嘅慶祝吓..我就Book咗位於中環聽講話係嚟自日本北木島嘅喜多嬉牡蠣屋..哩間牡蠣屋有咩咁特別?佢特別就特別在係一間香港極少見嘅日式生蠔放題店～我想試咗好耐㗎喇
🤫 喜多嬉牡蠣屋放題有兩個Plan..六十分鍾嘅Plan係真真正正專食蠔同埋帆立貝嘅放題..但係我哋咁為食..梗係揀貴一百蚊多半粒鐘之餘仲會有唔同嘅串燒同埋幾款牡蠣主食嘅嗰個Plan啦
🤫 咁我哋兩個一坐低..侍應哥哥就簡介一吓嘢食種類同流程再放低個QR code叫我哋可以揀定放題裏面嘅食物先..當放題食物準備嘅同時..佢哋就會奉上喜多嬉最出名又最打卡able嘅放題前菜九宮格..呢九格嘅小食各有特色..包括咗都幾鮮甜爽口但係份量就唔係太多嘅象拔蚌刺身..炸得乾身而且恰到好處嘅天婦羅秋葵..一份輕輕嘅Green Salad..擺盤好可愛又絕對係不敗嘅吞拿魚蓉..仲有聽講話係手工制嘅月見焼鳥丸..而九宮格裏面我最欣賞嘅菜式肥美嘅燒白鰻..最後嚟喜多嬉必須要食嘅北木島鮮嫩生蠔一大隻同蠔味香濃嘅牡蠣茶漬飯
🤫 九品前菜完成之後..好快～我哋嘅放題Order就逐一送到..生蠔刺身我哋總共食咗十隻左右..Quality Keep得好好..每隻都有中大Size..微微嘅海水味加埋伴土佐酢嘅啫喱..蘿蔔蓉同蔥花..調味得宜
🤫 然後燒牡蠣同燒帆立貝唔會話太乾身但係有燒炙嘅口感..由其是一啖咬落燒牡蠣實在爆Juicy..而帆立貝雖然唔係算大粒但係全部自帶鮮甜味..唔錯
🤫 再嚟就介紹吓啲串燒..串燒雖然款式唔多..大約十款八款左右..以燒豬頸肉串我最為鐘意..雖然係燒得偏乾身..但係我就係鐘意嗰種咬口加上適中嘅調味..然後每粒雞肉都相當厚肉嘅燒鳥大腿肉串都係必叫之選
🤫 串燒同小食裏面較為特別嘅莫過于燒鳥七里香同燒雞心串..我同Tata就唔識得嘆七里香㗎啦..不過Tata話雞心串都OK..另外鹽麴五花腩片同醬油麴一口牛粒嘅份量都俾得幾多..以五花腩片較佳
🤫 嘢飲方面除咗放題必有嘅罐裝汽水類..仲有三四種自家製嘅冷泡茶..我哋試咗四季春同白桃烏龍..四季春香淳度得宜..白桃烏龍嘅白桃味出眾但又唔會完全蓋過烏龍茶香.. 呢個我欣賞
🤫 最後喜多嬉牡蠣屋實屬小店..大約有四張二人枱四張四人枱..但係地方都坐做舒服..嘢食方面..因為感覺生蠔即叫即開所以都需時..等待時間合埋唔會過耐..而且其實食蠔都真係幾膩幾滯.. 所以好欣賞佢哋有冷泡茶提供..解膩順喉..鐘意食蠔嘅您絕對要試吓～
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
