影片
更多
2023-06-05
635 瀏覽
介紹返💁🏻♀️。。🇭🇰 Café 在觀塘 🇭🇰。La Serre。觀塘海濱道90號地下1號舖。La Serre Breakfast 招牌早餐Portobello Mushroom。Bacon。Sausage。Gammon Ham。Scramble Egg大啡菇。煙肉。香腸。金門火腿。炒蛋。HKD158 + 10%Gammon Ham & Cheese Danish Toast with Fried Egg金門火腿。芝士丹麥多士配煎蛋。HKD118 + 10%Passion Fruit SquashFresh Passion Fruit。Soda。Sprite。HKD78Fresh Mint Lime SodaFresh Mint。Fresh Lime Juice。Soda。HKD78🤫 話說四五月一唔係我要飛京都探閨蜜..一唔係就飯腳仔去東京比賽..所以兩個月以嚟我哋兩條友仔一有時間都會揀匿喺屋企一齊Hea吓就算..而啱啱嘅星期六📆我哋終於都扚起心肝出去行街食飯睇戲拍吓拖仔啦👫🏻🤫 呢日一早起身扮靚靚去到牛頭角站會情郎🤪阿情郎話帶我去一間我一定鍾意嘅Cafe嘆返個Brunch喎😏 原
。
。
🇭🇰 Café 在觀塘 🇭🇰
。La Serre
。觀塘海濱道90號地下1號舖
。
La Serre Breakfast 招牌早餐
Portobello Mushroom。Bacon。Sausage。Gammon Ham。Scramble Egg
大啡菇。煙肉。香腸。金門火腿。炒蛋
。HKD158 + 10%
Gammon Ham & Cheese Danish Toast with Fried Egg
金門火腿。芝士丹麥多士配煎蛋
。HKD118 + 10%
Passion Fruit Squash
Fresh Passion Fruit。Soda。Sprite
。HKD78
Fresh Mint Lime Soda
Fresh Mint。Fresh Lime Juice。Soda
。HKD78
🤫 話說四五月一唔係我要飛京都探閨蜜..一唔係就飯腳仔去東京比賽..所以兩個月以嚟我哋兩條友仔一有時間都會揀匿喺屋企一齊Hea吓就算..而啱啱嘅星期六📆我哋終於都扚起心肝出去行街食飯睇戲拍吓拖仔啦👫🏻
🤫 呢日一早起身扮靚靚去到牛頭角站會情郎🤪阿情郎話帶我去一間我一定鍾意嘅Cafe嘆返個Brunch喎😏 原來佢講嘅係位於觀塘海濱嗰邊嘅La Serre💁🏻♀️估唔到飯腳仔今次真係叻仔喎..竟然俾佢搵到呢間又真係幾舒服嘅Cafe👍🏻
🤫 今次先介紹吓環境..因為一入餐廳門口我已經幾鍾意呢個地方..La Serre 地方大樓底高有落地玻璃窗..座位闊落舒適..而且佢哋仲有室外座位..唯一可惜嘅就係我哋最愛嘅政府無啦啦將半個海濱用黃色大水馬圍住晒..如果唔係仲可以欣賞到好靚嘅海景
🤫 我哋被安排坐喺近海濱嗰邊嘅窗口位..陽光透入嚟但又涼住冷氣咁樣非常之舒服..我就Order咗哩度Signature嘅Big Brekkie然後飯腳仔要咗一份多士..再加一人一杯Mocktail
🤫 談咗兩句情..兩份Brunch就已經送到啦..隔離婆飯香嘅情況底下我發現飯腳仔嗰份Danish Toast異常咁吸引..鬆脆嘅丹麥多士上邊放住半塊叫做金門火腿嘅火腿..呢塊金門火腿不得了囉..半塊已經有成塊面咁大..而且係厚切..點講呢..似係火腿扒..但係口感比起火腿扒更加似一塊肉..真係唔識形容..總之就好味啦～再加埋面頭好滑溜嘅太陽蛋仲有份量幾多嘅流心芝士..Sor..我搶咗一半嚟食🤭
🤫 至於我嘅La Serre Breakfast超級無敵豐富..等我數下先～有薯餅漢堡扒Portobello燒番茄..又係半塊嘅金門火腿..仲有兩條Bratwurst兩條煙肉..同埋好大份嘅滑蛋好大份嘅Mixed Greens..你話我一個人點可能食得晒😳當然要分番啲俾飯腳仔食啦..塊火腿就唔使再多講一次..其他肉類都煎得好香脆唔算話太油膩..薯餅脆卜卜..Portobello燒番茄都超級Juicy..個蛋就真係唔講得笑..真係喺香港近幾個月裏面食過最香滑好味嘅滑蛋..然後最重要係嗰個Mixed Green..真係好豐富..冇諗過普通一個Brunch沙律都會放咁多種類嘅蔬菜..平時有嘅普通沙律菜上邊再有大量車厘茄同埋水耕菜..仲有輕輕燒過嘅秋葵..同埋都幾少喺香港見到會用嘅生粟米..生粟米好甜好Raw好好味
🤫 同一份量嘅沙律喺飯腳仔嘅Toast都有㗎..奈何飯腳仔係一個好多蔬菜都唔鍾意食嘅人..所以我基本上一個人隊晒兩份沙律..真係唔健康就有鬼啦今次😏
🤫 Mocktail方面..我揀咗Passion Fruit Squash..少少酸甜酸甜非常開胃..而且佢哋有用到真嘅Passion Fruit..一粒粒黃黑色飄浮飄浮咁樣..好Chill😎而飯腳仔嘅Fresh Mint Lime Soda佢都好滿意..佢好鍾意呢度放咗大量嘅薄荷葉同埋好幾粒青檸..非常之清爽解渴..夏日嘅感覺出晒嚟～
🤫 成個Early Afternoon就係咁..享受住豐富又健康嘅早午餐..飲住清涼嘅Mocktail..拖住我嘅情郎講吓無聊嘢..好幸福啊🫰🏻雖然由牛頭角地鐵站行過嚟呢邊都要大概十分鐘🥵熱死辣辣行過嚟都係值得嘅🤩
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
