影片
更多
2023-11-16
662 瀏覽
介紹返💁🏻♀️。。🇭🇰 Cafe 在杏花邨 🇭🇰。走過十萬八千里找到你 Some Day or One Day Cafe。杏花新城地下G41A號舖。午餐系列 Lunch Set日式原條鰻魚意大利飯 Japanese Eel Risotto。HKD115 + 10%玫瑰果洛神花茶 Rose Hips Hibiscus Sabdariffa Tea。跟餐加 HKD18 + 10%帶子蟹膏蟹肉意大利粉Spaghetti with Scallop & Brown Meat Cream Sauce。HKD128 + 10%柚香菠蘿檸檬梳打Yuzu Honey with Pineapple and Lemon Soda。HKD36 + 10%🤫 正所謂食過返尋味..自從上次同同事仔試過過嚟杏花邨呢邊食走過十萬八千里找到你之後..同事仔就念念不忘..話好想過去杏花邨嗰邊散吓心同埋食吓好嘢..於是乎呢一日我哋又再次踏上征途..嚟到呢個被稱為美食沙漠嘅杏花邨站食Lunch🤫 有咗上一次嘅經驗..我哋以為可以休休閒過嚟開餐唔會話太多人排隊..點知可能而家越嚟越多人知道呢度有間好嘢食..竟然十二點半嚟到就已
。
。
🇭🇰 Cafe 在杏花邨 🇭🇰
。走過十萬八千里找到你
Some Day or One Day Cafe
。杏花新城地下G41A號舖
。
午餐系列 Lunch Set
日式原條鰻魚意大利飯 Japanese Eel Risotto
。HKD115 + 10%
玫瑰果洛神花茶 Rose Hips Hibiscus Sabdariffa Tea
。跟餐加 HKD18 + 10%
帶子蟹膏蟹肉意大利粉
Spaghetti with Scallop & Brown Meat Cream Sauce
。HKD128 + 10%
柚香菠蘿檸檬梳打
Yuzu Honey with Pineapple and Lemon Soda
。HKD36 + 10%
🤫 正所謂食過返尋味..自從上次同同事仔試過過嚟杏花邨呢邊食走過十萬八千里找到你之後..同事仔就念念不忘..話好想過去杏花邨嗰邊散吓心同埋食吓好嘢..於是乎呢一日我哋又再次踏上征途..嚟到呢個被稱為美食沙漠嘅杏花邨站食Lunch
🤫 有咗上一次嘅經驗..我哋以為可以休休閒過嚟開餐唔會話太多人排隊..點知可能而家越嚟越多人知道呢度有間好嘢食..竟然十二點半嚟到就已經要排隊等位啦😧不過都好彩好快有得入座..然後今次我哋被安排坐喺近窗邊嘅位置..呢度陽光曬到入嚟暖暖哋非常舒服
🤫 雖然上次我哋揀嘅嗰個牛油果Risotto同三文魚子Orecchiette真係好好味..但係我同同事仔都決定要試吓啲未試過嘅..發掘吓新大陸先得😎最後我哋決定要咗一個好多人揀嘅原條鰻魚Risotto同一個睇個名都已經覺得幾好味嘅帶子蟹肉蟹膏Pasta Share食✌🏻務求可以樣樣都試吓～
🤫 咁原來散叫唔係叫午餐Set嘅話..夜晚黑會有餐湯跟返嘅..而日頭竟然係送薯條喎😮個粗薯條新鮮滾熱辣上枱..當刻我真係覺得好筍..而最重要嘅係薯條仲要係跟埋一個整熱咗嘅芝士醬上枱..喂呀～超好味囉🤤主菜都未嚟就已經忍唔住食咗大半籃薯條..點搞先🤭
🤫 隔一陣..主菜們都陸陸續續上枱..先講下個Risotto..原條鰻魚放喺意大利飯上邊..一眼望埋去就已經覺得好澎湃..非常之有衝動想要即刻開動..鰻魚食落好有肉感而且都好滑..食肉獸表示相當滿意..而底下嘅Risotto亦都好有驚喜..佢唔係一般嘅茄汁底或者係白汁底嘅Risotto..而係用鰻魚汁嚟做個Sauce㗎..同條鰻魚真係襯到絕一絕㗎～同事仔鍾意食到忍唔住一啖駁一啖唔停口😌
🤫 而我就偏好呢一個帶子蟹肉蟹膏Pasta..蟹肉份量非常之多..幾乎每一啖Pasta都食得到蟹肉同埋野菌洋蔥..口感非常豐富..而且蟹肉鮮嫩多汁..然後嗰兩粒帶子Size都算係幾大..底面煎香內裏剛剛熟..成件事好Juicy..意大利粉亦都係軟硬適中..配埋個清清地嘅Sauce..食得我相當開胃😋
🤫 飲品方面..我今次揀嘅柚子菠蘿梳打..杯梳打勁香濃勁足料..加上係有氣嘅關係..成件事真係好gur..至於養生嘅同事仔就揀咗洛神花茶..熱辣辣一大壺超抵飲..酸酸咪咪又有玫瑰香..佢話佢相當滿足～
🤫 老實講走過十萬八千里找到你喺杏花邨呢一度開舖頭其實真係造福咗千千萬萬嘅港島居民🤣至起碼我哋呢啲喺港島返工嘅可以搭幾個站地鐵嚟哩個咁清幽成個世外桃源咁樣嘅杏花邨度嘆返餐先再返公司捱騾仔🥴
。。
翻兜指數：🙆🏻♀🙆🏻♀️🙆🏻♀️ （5個🙆🏻♀️為翻兜爆燈）
💮已翻兜次數：6次💮
。。
張貼
