Stanley Cave (已結業)

黎到赤柱郊遊，行到攰又熱，勁想食下甜品涼一涼爽一爽！入到去，兩個人share左乳酪加cookies & 士多啤梨同埋焦糖燉蛋。首先品嚐無咁甜嘅yogurt, 估唔到咁香滑！唔太甜，乳酪味奶味剛好！係好實在嘅乳酪唔係水汪汪果種！估唔到響度食到咁好味嘅乳酪！然後再食焦糖燉蛋！面層焦糖薄薄的燒得香脆，略嫌燒得小小過火，不過都算唔錯。下面嘅燉蛋蛋味香又滑。不過愛酸味嘅我當然揀乳酪做首選！