牛屋餐廳

營業中

休息中

雖然係老店, 屹立喺佐敦吳松街多年, 但確實麻麻地。午餐價錢最平$42有交易(餐飲需加$3), 有牛油餐包、餐湯(羅宋湯或忌廉湯)。羅宋湯嘅質地及味道都非常濃郁, 係唯一值得讚揚嘅地方。燒汁鴛鴦扒意粉($42), 係牛扒拼豬扒, 牛扒係嗰種薄切切嘅BBQ扒, 幾多醃肉粉嘅味道, 唔得; 豬扒算可以, 略肥。燒汁似番茄汁。另外一個係紐西蘭肉眼扒配薯菜($52), 牛扒都係嗰種薄切切嘅BBQ扒, 醃肉粉嘅味道少啲啲, 都係唔得; 薯條偏淋。同樣係燒汁。空間有限, 都坐得幾逼夾, 要搭檯。