龍城金記海鮮火鍋

營業中

休息中

第一次响呢間舖食火鍋。服務員認真工作，坐低餐紙都未睇清楚，服務員已不停問要咩煱同飲乜野，睇得出佢地好想做野，但堅係煩。點了咸菜豬肚+蕃茄牛腩鴛鴦煱，筒蠔，九菜餃，魚皮餃，例牌頂級手切牛肉，油麥菜。兩款餃味道ok，筒蠔是新鮮的，不差也不特出。湯底係無乜味，大約滾到食完先有d味道。牛肉是新鮮手切的，但無乜牛肉味。整體係無乜特別的一餐，適合淡口味的朋友。到埋單時候，發現單多了一碟美國肥牛，向職員查詢，佢地立即改單，話將隔離枱碟肥牛入錯我地張單。但改完單後，發現例牌頂級手切牛肉變左做“大”的手切牛肉，我再向職員查詢，佢地同意寫單係“例牌”的，但廚房做錯左“大”的牛肉，你地又食左，所以收“大”的價錢。我是第一次食，點知兩個size有乜分別?! 講左一陣，職員堅持係我地食左+廚房做錯左=所以要收“大”的價錢。。。爭論都無用，只會令自己勞氣。特意响呢個平台寫出呢件事，希望唔好再有人無啦啦比多左錢! 記得野食放低時問清楚係乜size先好食+睇清楚張單先好比錢呀!!