影片
更多
2017-09-21
295 瀏覽
我好喜歡食麻辣但係真係唔可以食太多，每次朋友叫我食我都好有志氣，然後食第一啖朋友就笑我。。。鍾意食又食唔到，想點呀你！食辣係一種訓練，可惜訓練左咁多次都冇乜成功過，今次又到金公館，朋友升職大宴親朋，幸運地席上有我。上次見到出邊嘅配料部已經深深吸引，今次終於可以自己玩，我覺得自己配的醬係最好食。哈哈，醬汁好多都係即日即做，而且有好多未見過嘅配醬，保證你有驚喜。麻辣鍋配龍蝦湯窩，一上台已陣陣飄香。我口不停話唔食辣但係每一舊都放落去麻辣鍋。我認為食麻辣鍋不能缺少的三寶包括: 薯粉，鴨血同牛肉咩都未食即刻帶咗個薯粉，呢度嘅薯粉好正彈牙又夠粗。吸湯度很高，每一口都又麻又辣，粗嘅薯粉嘅好處就係冇咁容易溶，而且啖啖質感，要留意係一碗已經好飽。千祈唔好似我咁貪食食咗兩碗然之後其他嘢食唔到。豬天梯我今次係第一次食，呢個好似係豬嘅喉嚨吧？如果呢一碟係咪代表用咗好多隻豬呢？？呢個絕對係一個謎，咬落去十分之彈牙有口感。留醫千祈唔好煮太耐否則會變韌。接着係豬五花腩卷得好靚咁放響我形容為乒乓球拍嘅碟上邊，新鮮好味。鵝腸雖然唔係新鮮有脂肪嗰種，不過食落十分之爽口。必食係呢個牛脊肉，好軟熟又夠牛味，一上枱唔使3分鐘就
食辣係一種訓練，可惜訓練左咁多次都冇乜成功過，今次又到金公館，朋友升職大宴親朋，幸運地席上有我。
上次見到出邊嘅配料部已經深深吸引，今次終於可以自己玩，我覺得自己配的醬係最好食。哈哈，醬汁好多都係即日即做，而且有好多未見過嘅配醬，保證你有驚喜。
麻辣鍋配龍蝦湯窩，一上台已陣陣飄香。我口不停話唔食辣但係每一舊都放落去麻辣鍋。
我認為食麻辣鍋不能缺少的三寶包括: 薯粉，鴨血同牛肉
咩都未食即刻帶咗個薯粉，呢度嘅薯粉好正彈牙又夠粗。吸湯度很高，每一口都又麻又辣，粗嘅薯粉嘅好處就係冇咁容易溶，而且啖啖質感，要留意係一碗已經好飽。千祈唔好似我咁貪食食咗兩碗然之後其他嘢食唔到。
豬天梯我今次係第一次食，呢個好似係豬嘅喉嚨吧？如果呢一碟係咪代表用咗好多隻豬呢？？呢個絕對係一個謎，咬落去十分之彈牙有口感。留醫千祈唔好煮太耐否則會變韌。
接着係豬五花腩卷得好靚咁放響我形容為乒乓球拍嘅碟上邊，新鮮好味。
鵝腸雖然唔係新鮮有脂肪嗰種，不過食落十分之爽口。
必食係呢個牛脊肉，好軟熟又夠牛味，一上枱唔使3分鐘就清晒啦！
我推介嘅就係用相鮑魚學承載嘅靚靚鮑魚蝦丸，粒粒新鮮打，蝦味十足而且唔少得嘅係有手指甲咁大粒嘅鮑魚粒佈滿喺蝦丸内，絕對唔係揸流攤。超鮮甜而且有口感，強烈推薦呢一度嘅手打丸
我仲親自試左呢度嘅餃子感覺不錯，皮薄餡靚不過都係唔夠我自己包嘅好食，哈哈！
呢度嘅晚市價錢10分實惠大概＄400左右就已經食到飽到第二朝， 海鮮同樣新鮮，牛肉更加不在話下，最重要嘅就係呢度正中又美味嘅麻辣湯。環境舒服猶如高級餐廳。呢個價錢食到咁高質素嘅麻辣火鍋絕對超值啊！
點解我會話講不出聲講不出聲呢？食完之後，真係麻辣到開唔到口。
張貼
