Alva House

營業中

休息中

之前嚟過食lunch buffet，四百幾蚊一個人，我覺得好貴，不過啲嘢都好食嘅。上星期日喺網上見到呢度有龍蝦同蟹主題嘅自助晚餐，差唔多$800一位，好貴不過都試吓啦。去到餐廳表示訂咗兩位，佢哋安排咗張細方枱。有位職員行埋嚟話八折，計吓數，其實連埋加一，每人都仲係要$700。攞完杯嘢飲，先打個白鴿𨍭，睇吓有乜好嘢食，一眼見到冷盆放咗開邊龍蝦，先夾咗一隻左右兩邊，加埋花螺，經過見到細細碗雜錦魚生，攞埋先返位。開始先食魚生，下面竟然有啲飯，原來係超迷你雜錦魚生飯。😂雖然好細碗，不過魚生新鮮好味，於是去攞幾塊刺身食，果然都係好新鮮。😋之後試咗芝士焗龍蝦，配埋雜菜同彩椒，又另有一番風味。今日餐飲完中湯再試埋個法國龍蝦濃湯，我覺得西湯好味啲。😋食咗幾輪，每次返到埋位，啲餐碟都仲係度😓，於是走埋去侍應旁邊，指指個位同佢講：「唔該幫我收收嘢。」點知攞完嘢食返嚟啲碟都仲喺度！😩手上拎住碟嘢食，行埋去再講：「我個位啲碟多到我冇位放嘢食啦！」今次先真係幫我拎走啲嘢。😠其實隔離張枱啲人走咗好耐都冇人去收嘢。最後食完Häagen-Dazs 雪糕，去攞其他甜品先發現原來有gelato 同咖喱，不過太飽食唔落啦。