醬缸韓國料理 (已搬遷) 新店位置

好耐之前一直講想試哩間韓國餐廳既醬油蟹，但本身係香港島個邊返工，成日收唔切工過去九龍哩邊、而醬油蟹又要預早兩日訂、亦或星期五至日就訂唔到位，只可以walk-in，所以次次都食唔到。今次終於收到工，過到佐敦黎食啦!!! 朋友預先訂左一份蟹（一份有兩隻，兩個人啱啱好一人一隻），去到坐底無耐就有得食，另外叫左個傳統炒年糕，仲有紫菜飯二話不說 第一啖梗係”筆” d紫菜飯撈埋蟹蓋d蟹膏食先😋蟹膏味道不錯，唔會太重味，㚒埋紫菜飯食好Okay。跟著當然要品嚐隻蟹啦，shu下shu下就食到d肉，幾夠鮮味，而且個汁唔會好咸。之前試過係韓國廣藏市場食過醬油蟹，個汁太過咸，食唔到d蟹既味道，但今次就無咁既情況，而且d汁可以撈埋紫菜飯食😉 下次想食醬油蟹都會黎哩間👍🏻由於今次主要想黎試蟹，所以另外再叫左個炒年糕je。本身整體味道偏辣，我地又無特別提要小d辣，所以唔係好食辣既朋友要留意。但個辣味係幾okay既~