鮨見 (已結業)

我打食評通常都係讚，但係呢間真係差到要我打一篇，提醒大家唔好中伏。中伏位1: 師傅大陸人聲稱係日本人。同我講野就用日文同英文，入到廚房傾電話就講普通話？中伏位2: 唔俾人叫最平既set。我媽媽年時已高唔想食咁多咪叫個499既set囉，佢話唔得，最少要叫699既set。佢menu 淨係remark 星期五六日暫停供應499set，但係我當日係星期三喎。又係有欺騙成分。不過我都算，好食既話699又有咩所謂。中伏位3: 茶碗蒸好差。一上菜，成個觀感已經好差，周圍都係水漬，茶餐廳都無咁誇下話？蛋蒸得又老又淡，失敗！中伏位4:壽司畫蛇添足。刺身質素其實唔差，但係都要加d奇怪野落去。舊赤身原本幾好食，上面加d芥末醬做咩？失敗！中伏位5: 居然無俾酸薑我地，第一日出黎做omakase? 要我提先笑笑口拿出黎，仲要超凍。中伏位6: d飯係熱架！我係咪食緊明將？中伏位7: 呢舊咩黎？toro? 爛布咁樣。中伏位8: 海膽都算數一數二難食，無鮮味，好重藍凡味，劣質貨。我真係估唔到omakase都可以咁差，無料到就唔好收呢個價錢啦。