宏 (已結業)

之前已經聽過「宏」的大名，一間日式餐館以抹茶卷捲掀起一陣熱潮，今日終於約到朋友來吃我喜歡的綠茶甜品我地見尖沙咀店長期都要排隊，咁岩朋友要去紅磡交收，所以決定去宏的紅磡分店～去到餐廳門口已經見到不同蛋糕、馬卡龍，色彩繽紛，睇見都流口水除左甜品外，餐廳都有不少套餐選擇仲包埋沙律、蛋卷、飲品，都幾抵啵純日本白燒鰻魚定食 $210我們平時食開既燒鰻魚大多都係加燒汁翻熱，「宏」就從日本引入去骨純鰻魚自家燒製，保留原始魚味。店員仲會送上4款調味，分別係日本芥末醬油、柚子醬油、鰻魚醬汁及鹽。我地試完都覺得加少少鹽已經好好食，鮮甜爽滑餐廳仲講究到個飯要用新潟米，質感較有黏性，口感都唔同啲😌套餐仲有海藻烏冬，真係要留定肚先來食😅😅迷你三色丼定食 $148定食有迷你版鰻魚飯、吞拿魚碎魚生飯同海藻烏冬雖然係迷你版，但份量都唔少~海藻粒粒令麵條口感豐富、煙韌小抹荼卷 最期待既甜品卷質感濕潤有彈性，中間的綠茶忌廉香滑濃郁，味道不苦澀小芝麻卷朋友揀左芝麻味，依個蛋卷反而冇咁軟身，有點結實的感覺～飲品揀左抹茶鮮奶&紅茶仲有少少綠茶粉係面，岩哂中意綠茶既我我地已經決定下次來食蛋糕套餐