更多
2014-07-16
7303 瀏覽
心血來潮想食high tea,本來想食半島酒店既英式下午茶,但而家已經加價加到兩位$598(加一)...唯有退而其求次食1881入面既The Parlour.The Parlour既英式下午茶兩位$398(加一),呢個價錢我比較接受到。但其實都覺得有啲貴,不過一餐半餐就冇乜所謂啦!早一日book左位,下午茶三點開始,我同男友相約早一啲出黎行街,但天氣實在太好,我怕熱到哂溶左個妝(食high tea同三層架下午茶自拍100張是常識吧!)雖然officially係三點開始,但幸好我冇被拒諸門外,兩點九就入坐。餐廳既設計非常中式,但整體環境非常昏暗,我個人不太喜歡喺暗既環境食飯。不過鄰座有八成都係外國人,令到自己好似置身喺外國既中國餐館中。最搞笑呢度既high tea set有兩款,一款係港式,另一款係英式。港式就係食點心之類,雖然場內好多外國人,但冇一枱係食港式下午茶。大概想食點心應該會去番酒樓掛...可能太早入座,都等左一陣先上三層架,但當我想自拍的時侯,我有啲失望!呢個白色布係咩黎?說好的甜品呢?原來甜品係分開上既由於之前同男友留定肚食,佢見到如此境況,忍唔住問:「下,食咁貴得呢d?」
The Parlour既英式下午茶兩位$398(加一),呢個價錢我比較接受到。但其實都覺得有啲貴,不過一餐半餐就冇乜所謂啦!
早一日book左位,下午茶三點開始,我同男友相約早一啲出黎行街,但天氣實在太好,我怕熱到哂溶左個妝(食high tea同三層架下午茶自拍100張是常識吧!)雖然officially係三點開始,但幸好我冇被拒諸門外,兩點九就入坐。
餐廳既設計非常中式,但整體環境非常昏暗,我個人不太喜歡喺暗既環境食飯。不過鄰座有八成都係外國人,令到自己好似置身喺外國既中國餐館中。
最搞笑呢度既high tea set有兩款,一款係港式,另一款係英式。港式就係食點心之類,雖然場內好多外國人,但冇一枱係食港式下午茶。大概想食點心應該會去番酒樓掛...
可能太早入座,都等左一陣先上三層架,但當我想自拍的時侯,我有啲失望!
唔知係咪太肚餓,一咬鬆餅竟然係有超好食既感覺!為左make sure呢個唔係肚餓既幻覺,我認真咁品嚐,發現鬆餅表面酥香,食落又唔會太硬,入口即溶,裡面呢濕度係岩岩好。加上我不好甜品,呢個鬆餅既甜度係我接受到既,所以我冇乜點果醬,就不多講果醬。我覺得呢度既鬆餅係我食過最好味既鬆餅,識食一定係食呢度既鬆餅!
甜點實在太甜,點好甜既男友都頂唔順,我諗...如果要挑戰甜品大佬應該黎呢度!
飲品選擇看似好多,但我最後都係揀飲我最愛既latte,不過我覺得味道普通,唔夠香濃。
張貼