清溪川韓國食堂 (已結業)

朋友生日想食韓國燒烤，於是就尼左尖沙咀既韓國街！原來星期日有D店係唔開門，所以選擇又少左最後就揀左間好似好吸引同時又比較少人排隊既清溪川，排左半小時終於有得食！好多碟伴菜，雖然味道麻麻地，但擺得好吸引！因為大家都無肉不歡，所以叫左個雜錦想試多D種類！見到成碟肉，大家都好期待！！但份量真係好少，兩三下就燒完！味道冇咩特別，完全唔值咁貴！燒五花腩，雖然味道係唔差，但一樣都係唔值尼個價，食完好似冇食過咁！叫左個炒年糕，終於有返小小飽肚既感覺！碟年糕賣相同味道都OK，唔會一味得辣味，有小小甜甜地！因為食完都仲係好餓，我地仲叫左個海鮮煎餅同石頭飯海鮮煎餅係幾好食既，算係是日精選！而石頭飯就普普通通。總括而言，如果用二百幾三百蚊食餐飯，我一定唔會選擇清溪川！味道其實唔係話差，但唔係特別好，一定唔值尼個價，同埋食完真係冇咩飽肚感！真係試一次就夠！