饃饃餃子 (已搬遷) 新店位置

尼泊爾嘅餃子最近先開始興起，之前好少見亦都未試過，今次都係第一次食～呢間鋪頭嘅餃子款式唔多，都係得4-5款，店鋪入面仲要得3個位，所以食緊嘅時候見唔少人都係買外賣～•🥢 招牌爆汁蒸雞肉餃子 $35(5隻)呢個招牌餃子好多汁，真係做到爆汁💦 而且皮薄，熱辣辣咁食好正～餃子嘅餡料主要係洋蔥同雞肉，就咁食比較淡味，但配埋佢嘅香辣汁就好惹味🤩 香辣汁有好濃嘅香料味，有啲似好重味嘅印度咖哩！•🥢 香煎香料薯仔素菜餃子 $40 (8隻)薯仔餡嘅餃子都好少見，所以見到第一個就揀咗呢款，個皮煎到少少燶，入面係滿滿嘅薯蓉，食落有啲似薯餅，加埋香料味，會比雞肉餃子濃味，而呢款就配咗花生汁，係稀啲嘅花生醬，味道無咁濃，都可以中和返餃子嘅香料味。