今福上海美食坊

營業中

休息中

又黎食上海野，今次堂食唔係外賣啦，舊店風格自己搵位坐，想落單要大叫，店員好忙，基本上叫幾萬次都唔會有人理你嘅，係適當時機就要捕捉店員嘅眼神然後快速落單，野食都上得好快，如果十分鐘都未到即係漏單，要快啲同店員講。食飯或麵可以優惠價加豆漿，要左杯熱嘅，唔係好甜都幾好，豆味都有，咁白色大家都知有幾多豆啦。酸辣湯餃子麵，餃子有五隻，再加一大個麵，超大碗，酸辣湯幾足料，筍絲，木耳絲等，酸多過辣幾啱口味，麵越食越大碗，好似食極都唔完咁，食到底真係飽到上心口。外賣幾隻鍋貼返去宵夜先，大大隻豬肉餡，煎得皮脆但很油，皮厚又係飽肚之物。