財記美食

營業中

休息中

路過此地見有新餐廳開張，紅紙都未拆仲係試業階段，價錢都好平喎，入黎試下佢先。下午茶不算太多人，有室內同室外坐位，室內冷氣超強正呀，最鍾意啲夠涼嘅餐廳。卡位都幾濶落，餐牌呢就暫時未算太多選擇，試業嘛，未係樣樣都ready。點了黑椒牛仔骨飯，送例湯同餐飲，凍飲加兩蚊，價錢好合理呀。呢碟飯竟然有成六塊牛仔骨，會唔會誇張左啲？哈哈，煎得香口不乾身，有少少肥膏位好甘香，入口有滿滿的牛油香，黑椒汁夠惹味，超好下飯。例湯好濃味，非一般茶仔啲例水，哈哈，你懂的。是日係紅蘿蔔豬骨湯，好味到想添飲。餐飲要左凍檸茶走甜，茶底夠香，檸檬無苦澀味。午餐38蚊咋，好平呀！好似話四月正式開張，咁抵食會成日黎了。