影片
更多
2013-05-25
32 瀏覽
一早就想同屋企人食新斗記，本來諗住去佐敦食，不過訂檯兩個時段都麻麻地，上去新斗記 facebook 睇，就發現佢地喺屯門嘅新店試業中，冇理由捨近取遠唶？訂檯時已經問定阿姐有冇咩要預訂，佢話燒鵝或者 d 特別 d 嘅海鮮先要，so far 屋企人唔係太食得比較毒嘅嘢，所以唔駛訂。訂咗八點鐘檯，我地早咗三個字到，去到要等一等，八點過少少就有檯。一行五個人叫左六餸一湯，另外仲敬送甜品~// 胡椒豬肚花甲湯 //胡椒十足，豬肚同花甲亦唔吝嗇，唔錯~// 乳豬 1/4 隻 //呢樣冇得輸，燒得鬆化，上檯後隔一段時間食都依然脆卜卜！屋企人即時話春秋二祭要嚟呢度買乳豬！// 栗米石斑 //一碟八件，件件都係啖啖肉。又係上檯後隔咗好一陣先食，魚肉仍然熱辣辣！ 證明唔係廚房整定 hea 你！石斑嘅粉漿唔係好厚，姨媽話個漿再脆 d 會開心 d~~~ // 啫啫唐生菜 //上檯唔係好聽到「滋滋」聲，again，上檯後隔咗好一陣先食，食落先發現有芯嘅部份比較青！ 不過為時已晚，想用餘溫迫熟佢都唔得~~~// 蝦籽柚皮 //席間個個都係第一次食，感覺新鮮，所以唔識話係好定唔好~~// 豉油皇炒麵 //again
訂檯時已經問定阿姐有冇咩要預訂，佢話燒鵝或者 d 特別 d 嘅海鮮先要，so far 屋企人唔係太食得比較毒嘅嘢，所以唔駛訂。
訂咗八點鐘檯，我地早咗三個字到，去到要等一等，八點過少少就有檯。
一行五個人叫左六餸一湯，另外仲敬送甜品~
// 胡椒豬肚花甲湯 //
胡椒十足，豬肚同花甲亦唔吝嗇，唔錯~
// 乳豬 1/4 隻 //
呢樣冇得輸，燒得鬆化，上檯後隔一段時間食都依然脆卜卜！屋企人即時話春秋二祭要嚟呢度買乳豬！
// 栗米石斑 //
一碟八件，件件都係啖啖肉。又係上檯後隔咗好一陣先食，魚肉仍然熱辣辣！ 證明唔係廚房整定 hea 你！
石斑嘅粉漿唔係好厚，姨媽話個漿再脆 d 會開心 d~~~
// 啫啫唐生菜 //
上檯唔係好聽到「滋滋」聲，again，上檯後隔咗好一陣先食，食落先發現有芯嘅部份比較青！ 不過為時已晚，想用餘溫迫熟佢都唔得~~~
// 蝦籽柚皮 //
席間個個都係第一次食，感覺新鮮，所以唔識話係好定唔好~~
// 豉油皇炒麵 //
again and again，上檯後隔咗好一陣先食，算炒得乾身，不過始終涼咗，唔識點 comment 佢。
// 蛋白薑米蒜香蟹飯 //
見四圍枱枱都叫，又仲食得落嘢，追加~ 蒜蓉香得來唔搶，同 d 飯撈埋就愈食愈想食。未叫之前都知用來伴蒸嘅蟹唔係大大隻，冇咩期望，不過食落肉質鮮甜嫩滑，食到忍唔住落手食 唔錯唔錯
// 紅豆沙（送）//
紅豆煲得爛，個人而言太甜（我係檸水唔落糖嘅... ）。表弟話對比佢學校 canteen 嘅「‧糖‧水‧」，呢個好好食 不過個句，免費嘢，冇乜求，唔錯啦~~
屯門又多一樣食得過嘅餐廳囉~~
題外話/補充資料：
侍應們態度唔錯，而且唔會甩甩漏漏，以新店來說都唔錯。不過上文好多「上檯後隔咗好一陣先食」，事關廚房非常有效率，落完單隔唔係好耐，d 餸就拿拿聲搶住上！雖然有效率一定比甩單好，不過咁樣就享受唔到食物新鮮上枱嘅美味。希望佢地可以慢慢 catch up 個 pacing，愈做愈好啦~~~
(以上食評乃用戶個人意見 , 並不代表OpenRice之觀點。)
張貼