香港仔周記點心茶餐廳 (已結業)

見到新開就去試新嘢。入到去差不多滿座，之前聽過佢地香港仔店d點心好出名，又聽聞d芝麻蝦多士同流心西多士，所以都想試吓，但因為得一個人又唔食得多，為有叫兩個最想試既。鵪鶉蛋燒賣 - 唔係買返黎翻熱，真係自家製，第一次食到鮮味既鵪鶉蛋燒賣而且唔駛加豉油。芝麻蝦多士 - 成個多士面都係芝麻，中間夾住好厚蝦肉，雖然好香芝麻，但又唔會蓋過蝦既鮮味，直得一試。見到餐牌有紅豆冰，而且有好多飲品都可以加紅豆，就叫咗杯鴛鴦紅豆冰，第一啖飲落覺得只有奶茶味，但慢慢會有少少咖啡香，不過失敗在冇粗飲管，唔可以紅豆同鴛鴦一齊飲。