印豪印尼商店

營業中

休息中

食厭左港式三餸飯？可以黎試下印尼嘅三餸飯😆跟姐姐介紹黎到印豪商店度買野，除咗糧油雜貨，仲有飯餸賣㗎。有自選三餸飯賣緊$40，亦有預先包好嘅盒裝或袋裝熟食😋店員姐姐十分熱情，橫掂未試過，就要份三餸飯試下啦。咩都想試，姐姐話樣樣夾少少比我試，出嚟呢盒都唔知有幾多餸嘅飯😁超大盒啊～先有咖喱魚🐟，魚係煎香左呢呑拿魚黎，仲有豆腐同茄子等配菜，咖喱汁好有椰奶同香料香👍椰絲🥥牛肉🐂？唔知點叫好，味道同口感都好得意。前面呢堆係辣炒木瓜絲，都幾辣㗎，估唔到炒起上黎幾好食，木瓜淨係試過就咁食同木瓜沙律咋，熟食又係新口味👍跟住仲有中間呢個炒雜菜，同旁邊嘅炸花生🥜姐姐仲問使唔使多飯，哈哈，已經大盒到食唔晒啦。再整支冰凍椰子水$10，夠清甜😋順便買啲零食返去先，餅乾、薯片、茶包、咖啡等都好多選擇啊。