䊾宅韓國燒烤．料理 (已結業)

三五知己, 約埋一齊試新野 ~ 韓燒 ~ 朋友的朋友開, 叫大家去試下，試完緊係要寫番篇食評比下意見啦。　先講位置，灣仔區，集成中心向前行唔洗５分鐘就見到佳誠大廈地下位置，唔難搵，一入去，雖然左右兩邊排著枱，不過感覺仍然闊落舒適，好明顯餐廳設計跟傳統的韓燒格局，完全不同感覺，一個字來形容「型」- 全間餐廳用了橙銅色設計，打開坐椅可放入自已銀包雜物，有得差電（貼心考慮）好啦，到食物啦，開胃小食又點小得泡菜，跟一般食的味道帶甜，問老板原來是韓籍大廚刻意為香港人再作調較的，無咁酸辣易入口，不過喜歡辣的我希望餐廳將來有辣的選擇 　除左泡菜，還有魚仔，薯仔絲，毛豆，特別一提有粒粒青辣椒，呢款夠辣　到主菜方面，試食了好多唔同類型，燒豬友，燒大腸，雪花牛小排，海鮮石頭鍋飯，食物水準肯定是中高以上，看得出老板是用心想提供高質素另類韓燒給香港人，但同時間又保留了韓國人幫你燒埋呢個傳統，所以食食下伙計會幫你燒，幫你分食物比大家，某程度上都提供了很好的服務水準，消費埋單，９個人，每人HK$180，食到飽飽，整體來說，此間餐廳值得一試，至少唔會食完後一肚火今次未有食過冷麵，下次要試下先得