栢檔極品海南雞飯

營業中

休息中

3月頭，油塘新開左間海南雞飯店，梗係唸住即刻去試新野啦。開張第一日夜晚7點幾去幫襯，點知店員話所有野售罄直至今日先有機會再試，6點幾已好多人買緊，而且海南雞飯餐個雞湯已沽清。所以今日試左隻雞先。因為好多人，所以都要等左20分鐘先有得拎。海南雞（半隻）$70 - 外賣海南雞用紙盒裝住，比起用膠袋好，夠環保呀盒入面有6小盒秘制醬料（薑蓉，甜豉油，甜辣汁）。海南雞除咗脾同翼之外，其他都去晒骨，食落啖啖肉，而且好滑，再加上佢地嘅醬料，好好食。下次試埋佢個無味精雞湯，應該會好好飲。