華倫餐廳 (已結業)

睇完食評被吸引了！決定黎試下，跟住地址搵行到太興附近都見唔到，當好失望之際，唸住放棄，就係鳳城酒家隔離見到佢！店內裝修好新，唔似一般燒味茶餐廳，走高檔路線。有單人坐位，應該係方便lunch time 人來人往既時間。下午茶既選擇頗多，麵包的浪漫，岩晒我依d麵包癡。反而晚餐真係唸唔到想食咩，西多太滯一個人又食唔到，又唔想食常餐或燒味，最後揀左焗雞排。等左都幾耐，先黎杯奶茶，但茶味唔出，有點淡。焗飯ok ，但d汁都仲好稀，無焗過咁。但塊雞排就無咩食過，因為雪味太重。但份量就好夠!下次去試新既餐廳都係揀反佢出名既野！今次食完，失望有的，但只係怪自己叫唔岩，或者有機會下午茶或早餐先黎過！