Cosmos Restaurant & Bar (已結業)

同女朋友行街，見間鋪新開，行過店員話今日新開，見有位，就試下新野。叫咗一個A餐同一個B餐. 先黎個沙律，沙律新鮮，酸酸甜甜，女友好鍾意。是日餐湯蘑菇忌廉湯，菇味濃郁，好香，稍為稠了點，塊包係脆脆地。女友鍾意食菇，又好鍾意，塊包脆得黎又唔係硬，女友唔鍾意硬屈屈，塊包佢又like喎。我既主菜牛油果三文魚焗飯，我就覺得唔錯，味道幾夾。女友對魚麻麻地，佢唔like。女友佢想試塊10安士牛扒，但又驚食唔晒，咁隔離枱塊扒又真係幾有份量，最後揀咗蒜香白酒龍蝦扁意粉，有半隻龍蝦。賣相無的輸，佢都有d良心，比隻鉗我食，好彈牙，唔錯。女友話龍蝦好食，意粉就淡咗d，佢鍾意重口味，哈哈。上埋甜品士多啤梨奶凍，味道ok，唔太甜。今餐女友都幾鍾意。