PHI Coffee & Pancake (尖沙咀中心)

營業中

休息中

行過尖沙咀見到呢個鋪位之前一直無開門好耐既cafe，竟然轉左做phi!即刻入去試下先～Soufflé menu大致上都係差唔多，加咗款聖誕限定口味，發現主菜好似加咗d新款式，就叫左兩款黎食慢煮鴨腿巴馬火腿燉飯呢個燉飯個汁既味好好味，有少少菇菌香味，加埋d火腿，食落有少少咸香味，又夠creamy。隻鴨腿都算大隻，唯一可能因為慢煮，d肉唔係好嫩，有d「鞋」，不過香味好夠。雙重芝士肉醬貓耳朵粉之前食過佢既basic版肉醬意，今次呢個可以話係升級版！d芝士碎多到成座山咁好吸睛，而且加埋d肉醬食味道再提升咗，更香芝士味，肉醬鮮味更濃郁👍🏻另外都係例牌叫咗個原味Pancake,唔知會唔會關試業事，上pancake時間比較耐，同個黃金比例做得唔夠好，唔夠鬆軟同好快會流晒氣偏咗，同我上一篇Phi 食評一樣，都係覺得中環分店既好食d。