影片
更多
2010-08-10
49 瀏覽
港島區數間<喜記>都一直未逢機會幫襯過…今晚同朋友仔選址尖沙咀飯聚…見佢地嚮I-Square開左間<蟹將軍>, 就快快訂座去也!!星期五晚七點到來…只有數檯客…舖位於低層六樓, 窗外只見街景…裝潢似走古舊中式路線…深色牆身…深啡色檯布配深木色坐椅…整體感覺黑沉沉…或是相反的?係型格o既表現?!...吾太欣賞但亦不太在乎…年輕一輩o既服務生, 吾可以話服務差但只會一板一眼的有點呆亦笑容欠奉…坐下先例牌送來餐前小食兩份 – 糖醋雞翼尖!!...酸味味又無乜食用價值o既雞翼尖, 食吾食請隨便但係咪都要收費的, 每份$10!!...挑選主要菜式有以下：大漠風沙雞(半隻) $88…色澤靚…雞皮微脆…肉算嫩口入味…吾錯的!!薑蔥生蠔煲 (5件) $128…大大隻桶蠔肉質肥厚, 鮮味無渣…薑蔥多多爆到好香好惹味!!...值得推介!!黃金蟹(中) $380…即咸蛋黃炒蟹, 蟹肉沾上咸蛋黃夠香口提鮮味!!...至於只標準大小o既普通肉蟹一隻要收近$400大洋!?...雖然哩度以蟹為主打但定價著實過高了點!!椒鹽珍寶瀨尿蝦 (兩隻) $360…Jumbo?? 好奀o既一隻播
星期五晚七點到來…只有數檯客…舖位於低層六樓, 窗外只見街景…裝潢似走古舊中式路線…深色牆身…深啡色檯布配深木色坐椅…整體感覺黑沉沉…或是相反的?係型格o既表現?!...吾太欣賞但亦不太在乎…
年輕一輩o既服務生, 吾可以話服務差但只會一板一眼的有點呆亦笑容欠奉…坐下先例牌送來餐前小食兩份 – 糖醋雞翼尖!!...酸味味又無乜食用價值o既雞翼尖, 食吾食請隨便但係咪都要收費的, 每份$10!!...
挑選主要菜式有以下：
大漠風沙雞(半隻) $88…色澤靚…雞皮微脆…肉算嫩口入味…吾錯的!!
薑蔥生蠔煲 (5件) $128…大大隻桶蠔肉質肥厚, 鮮味無渣…薑蔥多多爆到好香好惹味!!...值得推介!!
黃金蟹(中) $380…即咸蛋黃炒蟹, 蟹肉沾上咸蛋黃夠香口提鮮味!!...至於只標準大小o既普通肉蟹一隻要收近$400大洋!?...雖然哩度以蟹為主打但定價著實過高了點!!
椒鹽珍寶瀨尿蝦 (兩隻) $360…Jumbo?? 好奀o既一隻播, 冇肉食的!!...偏咸, 而且肉質吾係咁鮮咁彈牙添…大失所望哇!!…最覺揾笨係哩一個菜吔!!...哩個價食個不錯o既酒店自助餐都得耶!!!...
豆豉鯪魚炒A菜 $55…用o黎送個飯吾錯的…如怕油要清淡的就吾o岩閣下了!!
油鹽水浸大蜆 $58…蜆肉夠厚大新鮮…配少量粉絲薑蔥, 味道係合格的…
蟹油炒麵 $48…蟹油o既香講真就啖吾出來…都係灑左D”避風塘”配料嚮上面吧?...少許辣的...不過麵條加上大量銀芽同韭黃齊炒, 係炒得夠鑊氣, 麵質既爽口而吾肥膩的...亦美味!!
茶錢 $5/位…埋單共銀$1,278…
註: 店內近大門處設一洗手盆方便客人使用; 如廁則要到商場內之公用洗手間…
張貼
