方太糕品舖 (已搬遷) 新店位置

經過上海街見到一條長龍，香港人精神死都唔蝕底，於是就去昅下乜嘢事，原來係賣中式糕點嘅地方 「方太糕點」糕餅櫃內大約都有十幾款糕點，選擇好多，仲有砵仔糕、豆腐花等。等呀等……等咗大約15分鐘，卒之到我啦！糕點賣$20 /3件價錢合理，於是買六件返屋企試吓。紅豆糕、芝麻糕、綠茶糕、馬豆糕紅豆糕超多紅豆，紅豆軟稔，頗有口感，味道吾錯。芝麻糕口感過份煙韌，膠質感好重，粉太多，芝麻味都唔夠香，麻麻。綠茶糕同樣是重膠質，聞落去只有椰汁味，一啲綠茶味都冇，只吃左一小啖，難食。馬豆糕有椰汁味不過較淡，冇之前嗰兩件糕咁膠，都唔系好食嗰隻。四款糕點唯一可取就係唔太甜。深水埗嗰間糕點正好多。