金上海

營業中

休息中

一個人食咩好呢？於是入良景市集行個圈。就見到“金上海“，都好，輕食一下。買了招牌爆汁生煎包及招牌三鮮鍋貼。因為環保想用小一個膠兜，老細話唔好，唔想壓爆啲生煎包喎。招牌爆汁生煎包包底煎得都算脆，輕輕咬一口，望下有幾多汁先，嘩，都滿滿的。食第二件生煎包，咬一口，啜哂啲汁，然後咬一啖肉。嗯…個別生煎包有啲厚皮。基本上4件都好味。招牌三鮮鍋貼煎得一面，小小脆既，不過可以再脆啲。入面個餡唔係好食到有啲咩，不過夠大舊，又夠肉汁。食到最尾一件，無啦啦噴汁。以為8件野係輕食，點知仲飽。