影片
更多
2021-12-01
275 瀏覽
鍾意食烏冬嘅我上網搵到間位於長沙灣嘅日式烏冬小店。小店唔太起眼，但嘢食又幾好食喎🥰。店內木系裝潢，乾淨舒服。🦐天婦羅大蝦烏冬 🐟鰹魚湯 $78天婦羅蝦，但我覺得係吉列蝦先啱😹，but anyway都幾好食。大蝦有四隻，即叫即炸，上枱熱辣辣，大蝦蘸上薄薄炸漿再炸，炸至金黃色，外層香脆可口，入面鮮甜爽口，唔錯唔錯。🐔汁燒雞扒烏冬 🐟鰹魚湯 $80雞扒算大塊，嫩滑Juicy，唔會好乾好硬，個調味都唔錯。🍜烏冬係高質靚烏冬，口感煙韌，索咗鹹鹹帶鮮鰹魚湯，讚！仲有好多紫菜絲，增添味道層次。🍨白玉雪糕🍦$35牛奶雪糕溝抹茶雪糕，雪糕質感軟滑，抹茶味夠濃，牛奶味濃厚，兩者混合在一起，互相輝映，效果唔錯。總共有四粒麻糬，兩粒原味兩粒抹茶味，兩者都好煙韌，非常鍾意呢個口感☺️
鍾意食烏冬嘅我上網搵到間位於長沙灣嘅日式烏冬小店。小店唔太起眼，但嘢食又幾好食喎🥰。店內木系裝潢，乾淨舒服。
🦐天婦羅大蝦烏冬 🐟鰹魚湯 $78
天婦羅蝦，但我覺得係吉列蝦先啱😹，but anyway都幾好食。大蝦有四隻，即叫即炸，上枱熱辣辣，大蝦蘸上薄薄炸漿再炸，炸至金黃色，外層香脆可口，入面鮮甜爽口，唔錯唔錯。
🐔汁燒雞扒烏冬 🐟鰹魚湯 $80
雞扒算大塊，嫩滑Juicy，唔會好乾好硬，個調味都唔錯。
🍜烏冬係高質靚烏冬，口感煙韌，索咗鹹鹹帶鮮鰹魚湯，讚！仲有好多紫菜絲，增添味道層次。
🍨白玉雪糕🍦$35
牛奶雪糕溝抹茶雪糕，雪糕質感軟滑，抹茶味夠濃，牛奶味濃厚，兩者混合在一起，互相輝映，效果唔錯。總共有四粒麻糬，兩粒原味兩粒抹茶味，兩者都好煙韌，非常鍾意呢個口感☺️
張貼
