影片
更多
2022-10-15
574 瀏覽
今日去西營盤探朋友，回程時路經水街，見到有間自家製手作芋圓店，有人話想試，反正我也有點肚餓，就一於入去食個甜品當下午茶。餐牌很簡單，主打芋圓甜品，共有 8 款可供選擇，另外玻璃櫃入面亦放滿了糯米糍同冷泡茶等，可作堂食或外賣之用。我哋揀咗幾款糖水同糯米糍，餐廳設有樓上雅座，食點完食物後就可以上樓上坐低，店員會隨後把食物送上。先嚟碗傳統仙草芋圓 ($40)，睇下用料幾豐富，除咗芋圓、番薯圓、紫薯圓外，仲有仙草、紅豆、薏米、白玉、黑糖珍珠同大大粒嘅丸子，陣容非常鼎盛。芋圓煙韌有咬口；仙草濃郁絲滑、入口即化。紅豆煮至軟身，帶自然香甜；薏米軟腍不爛；而黑糖珍珠亦Q彈有口感，配上甜而不膩嘅黑糖汁，美味！另外呢碗愛文芒甘露芋圓 ($50) 用料亦唔手軟，以楊枝甘露做底，再配上芋圓同台灣直送嘅愛文芒。芒果肉味道十分香甜，金沙柚肉微酸清新，加埋用芒果肉攪碎而成嘅芒果汁，啖啖滋味。至於呢碗黑糖薑汁湯圓芋圓 ($42) 味道亦唔錯，湯圓選用了黑芝麻做餡，外皮厚薄適中，夠滑身又煙韌，咬開仲有澎湃流心，正。薑汁辣度適中，入口不嗆，加上煙韌嘅芋圓，口感層次豐富。糯米糍有好多款唔同口味，今次就揀咗芒果、紫薯同朱
今日去西營盤探朋友，回程時路經水街，見到有間自家製手作芋圓店，有人話想試，反正我也有點肚餓，就一於入去食個甜品當下午茶。
餐牌很簡單，主打芋圓甜品，共有 8 款可供選擇，另外玻璃櫃入面亦放滿了糯米糍同冷泡茶等，可作堂食或外賣之用。
我哋揀咗幾款糖水同糯米糍，餐廳設有樓上雅座，食點完食物後就可以上樓上坐低，店員會隨後把食物送上。
先嚟碗傳統仙草芋圓 ($40)，睇下用料幾豐富，除咗芋圓、番薯圓、紫薯圓外，仲有仙草、紅豆、薏米、白玉、黑糖珍珠同大大粒嘅丸子，陣容非常鼎盛。
芋圓煙韌有咬口；仙草濃郁絲滑、入口即化。紅豆煮至軟身，帶自然香甜；薏米軟腍不爛；而黑糖珍珠亦Q彈有口感，配上甜而不膩嘅黑糖汁，美味！
另外呢碗愛文芒甘露芋圓 ($50) 用料亦唔手軟，以楊枝甘露做底，再配上芋圓同台灣直送嘅愛文芒。芒果肉味道十分香甜，金沙柚肉微酸清新，加埋用芒果肉攪碎而成嘅芒果汁，啖啖滋味。
至於呢碗黑糖薑汁湯圓芋圓 ($42) 味道亦唔錯，湯圓選用了黑芝麻做餡，外皮厚薄適中，夠滑身又煙韌，咬開仲有澎湃流心，正。薑汁辣度適中，入口不嗆，加上煙韌嘅芋圓，口感層次豐富。
糯米糍有好多款唔同口味，今次就揀咗芒果、紫薯同朱古力，每款一件。幾款糯米糍都做得頗有水準，糯米皮夠薄夠煙韌，芒果餡清甜多汁、紫薯綿密又細滑、而朱古力咬下會吃到半流心效果，食完真係超滿足！
張貼
