鮨勝 (已結業)

上次經過九龍城已經發現呢間廚師發辦，竟然要排隊入座，今次就Book位試試呢間如何。餐廳嘅和服姐姐好nice，好細心留意我地有咩需要，見我地唔記得咗師傅介紹嘅料理名，會同特地再介紹多一次。最特別係，每位客人都有隻寫住自己名嘅專屬紙船仔係枱面，感覺窩心。成個Omakase印象最深刻有熟成拖羅，平時熟成牛就聽得多，拖羅真係第一次見，感覺油香味更濃同埋肉質更鬆軟。炸金鯛都好惹味，口感好脆，估咭到會配上松露醬，味道又幾夾。不得不提仲有茶碗蒸，用咗比較特格嘅材料龍蝦汁、松葉蟹同魚翅，蒸蛋都落好重本。而甜點嘅玉子，師傅強調無落麵粉，但咬落去口感似係濕潤版嘅海綿蛋糕。飯後果嘅香印提子清甜爽口、蜜瓜清香多汁，呢餐飯非常滿足!18款食品：1. 海膽布甸蕃茜苗 2. 松葉蟹配桃啫喱3. 白海松貝配青檸汁4. 金目鯛配昆布汁5. 熟成半個月拖羅配芥末籽6. 炸蒜本鰹魚7. 炸金鯛 松露野菌醬配白蘑菇8. 鮭魚壽司配蔥醬9. 石桓貝配自製蛋黃醬10. 中拖羅壽司配黃芥末醬及京蔥碎11. 龍蝦汁、魚翅及松葉蟹蓉茶碗蒸12. 牡丹蝦配蝦頭蝦膏13. 黑鱸魚14. 赤鯥魚15. 海膽手卷16. 江戶前玉子 用蝦肉魚肉