影片
更多
2020-11-16
167 瀏覽
襯秋高氣爽嘅天氣，假日當然係出去鬆一鬆，同屋企人出外去咗行山。但要係山頂搵到一啲合家歡嘅地方食野真係唔容易...因為又要照顧大人嘅胃口又要啱小朋友食...今次重臨山頂廣場，真係估唔到Mina House推出左一個標榜假日親子繽紛嘅半自助餐，行到攰一攰決定入去試吓享受下！地點：一到左山頂廣場前嘅空地就會見佢間餐廳，係廣場嘅一樓。環境：話明係親子自助餐，一入門就見到餐廳好用心咁去佈置場地，放左好多鴨仔，同行嘅小朋友真係比佢地吸引住仲問我有無得帶隻返屋企此外門口牆身就放滿唔同種類嘅兒童書籍，另外仲係餐廳有一個戶外Mina私人樂園，小朋友可以邊食邊玩，大人就可以安心享用午餐啦食物質素：餐廳標榜有超過30種環球饌餚，餐廳仲好貼心咁照顧到大人同小朋友嘅口味！除左有沙律吧之外（唔係普通生菜，而係羽衣甘藍、羅馬生菜同火箭菜！）仲有即切烤牛肉 Carving Station同埋意大利巴馬臣芝士輪即煮意粉！仲要係原個意大利巴馬臣芝士輪再加埋黑松露去點綴，十分惹味！至於烤牛肉，肉味濃郁，再配上特製嘅黑椒汁，令人食過返尋味除此之外，仲有四款海鮮任你選擇，有青口、翡翠螺、小龍蝦同埋鮮甜蝦蝦！小龍蝦仲加左蒜蓉係面
今次重臨山頂廣場，真係估唔到Mina House推出左一個標榜假日親子繽紛嘅半自助餐，行到攰一攰決定入去試吓享受下！
地點：一到左山頂廣場前嘅空地就會見佢間餐廳，係廣場嘅一樓。
環境：話明係親子自助餐，一入門就見到餐廳好用心咁去佈置場地，放左好多鴨仔，同行嘅小朋友真係比佢地吸引住仲問我有無得帶隻返屋企
此外門口牆身就放滿唔同種類嘅兒童書籍，另外仲係餐廳有一個戶外Mina私人樂園，小朋友可以邊食邊玩，大人就可以安心享用午餐啦
食物質素：餐廳標榜有超過30種環球饌餚，餐廳仲好貼心咁照顧到大人同小朋友嘅口味！除左有沙律吧之外（唔係普通生菜，而係羽衣甘藍、羅馬生菜同火箭菜！）仲有即切烤牛肉 Carving Station同埋意大利巴馬臣芝士輪即煮意粉！仲要係原個意大利巴馬臣芝士輪再加埋黑松露去點綴，十分惹味！至於烤牛肉，肉味濃郁，再配上特製嘅黑椒汁，令人食過返尋味
除此之外，仲有四款海鮮任你選擇，有青口、翡翠螺、小龍蝦同埋鮮甜蝦蝦！小龍蝦仲加左蒜蓉係面作調味，更帶出小龍蝦嘅鮮味！而本人極力推介鮮甜蝦蝦，鮮甜多汁又大隻，唔驚唔覺食下食下就黎左幾round😏
小朋友方面都照顧周到，有炸雞、炸洋蔥圈、薯餅呢類香口野之外，仲有小朋友最愛嘅棉花糖！而且仲好好咁可以比你DIY！真係又玩又食！
雖然主餐方面就好滿意，但甜品方面就較為遜色左少少，有muffin同埋啫喱糖，仲有留心朱古力泡芙，但如果可以有一兩款蛋糕同埋小朋友至愛嘅雪糕就會更加好啦！
飲品又有蘋果汁同桃茶任飲，可以慢慢坐低傾計休息！
服務：服務方面，職員都好熱心去介紹每款菜式嘅特色，又會主動問小朋友要唔要整棉花糖，好滿意保持到一級嘅水準。
價錢：價錢對於某啲人嚟講，成人價係可能會有啲貴，但小朋友都只係$68，係山頂食個老麥都唔只啦！（即時入會仲可以可以有優惠價添！）
咁高嘅食物水準、優質服務質素、高檔環境氣氛同埋可以欣賞半山美景，而且又唔洗諗節目就可以有一個比小朋友放電比大朋友放鬆chill下嘅地方，真係物超所值！
下次有機會一定會再黎！
張貼
