影片
更多
2019-04-25
452 瀏覽
呢間拉麵店已經喺香港開咗好耐，一直都想黎試試佢，皆因小妹除咗係牛魔王之外，仲係蝦王！見佢依家個火勢冇咁大，應該唔使等位，一於去試試佢~~同一般拉麵店一樣佢嘅選擇唔會好多，貴精不貴多，最緊要好味!!俾張餐牌大家睇睇先:小妹係為咗個濃蝦湯而嚟嘅，所以就揀咗個蝦湯拉麵。佢有個麵穌可以加，即係紅姜天婦羅，都幾特別，不過我唔食姜就冇加到啦。主角到~~話明為佢個湯而黎， 一開波梗係要飲啖湯先啦，一飲，咦？好似少咁啲嘢咁，再飲，都係唔太覺。說好的濃蝦味呢？？？唔知係我對佢期望太高定點，我覺得碗湯其實剩係得鹹味同埋好淡好淡嘅海鮮味，真係唔係好飲到濃蝦味喎⋯話唔失望就假嘅，皆因同事成日同我講話佢喺日本食過超超超級好味，或者過左海係會變鹹啲啦⋯朋友嗌嘅特濃蝦汁叉燒拌麵個賣相同味道反而仲好，配料豐富，叉燒係切碎成粒嘅，試咗一啖都幾惹味。總括而言，對個濃蝦湯底有啲失望，但朋友食嗰個又幾好，但講真，係香港有咁多過江龍拉麵店可以選擇，佢嘅水平真係不足以令我再去一次。不過我一定會去日本試吓真真正正嘅濃蝦拉麵，睇下同事有冇fake我~~
同一般拉麵店一樣佢嘅選擇唔會好多，貴精不貴多，最緊要好味!!
俾張餐牌大家睇睇先:
小妹係為咗個濃蝦湯而嚟嘅，所以就揀咗個蝦湯拉麵。佢有個麵穌可以加，即係紅姜天婦羅，都幾特別，不過我唔食姜就冇加到啦。
主角到~~
蝦湯拉麵
$88
30 瀏覽
0 讚好
0 留言
話明為佢個湯而黎， 一開波梗係要飲啖湯先啦，一飲，咦？好似少咁啲嘢咁，再飲，都係唔太覺。說好的濃蝦味呢？？？唔知係我對佢期望太高定點，我覺得碗湯其實剩係得鹹味同埋好淡好淡嘅海鮮味，真係唔係好飲到濃蝦味喎⋯話唔失望就假嘅，皆因同事成日同我講話佢喺日本食過超超超級好味，或者過左海係會變鹹啲啦⋯
蝦湯拉麵
$88
26 瀏覽
0 讚好
0 留言
朋友嗌嘅特濃蝦汁叉燒拌麵個賣相同味道反而仲好，配料豐富，叉燒係切碎成粒嘅，試咗一啖都幾惹味。
特濃蝦汁叉燒拌麵
$88
29 瀏覽
0 讚好
0 留言
總括而言，對個濃蝦湯底有啲失望，但朋友食嗰個又幾好，但講真，係香港有咁多過江龍拉麵店可以選擇，佢嘅水平真係不足以令我再去一次。不過我一定會去日本試吓真真正正嘅濃蝦拉麵，睇下同事有冇fake我~~
張貼
