美心西餅 (已搬遷) 新店位置

每年生日最上心既永遠都唔係自己，見到一班朋友要慶祝自己生日，其實係好感動！今年生日就係咁～一朝早都冇咩特別，如常同一班朋友聚會，聚會完之後就一邊等齊人，一邊諗下LUNCH食咩好！點知中途有人係whatsapp group交待佢遲join既時候，竟然有朋友回覆陣間會先慶祝我生日，之後去食飯。如果我當時冇睇手機，咁就唔會睇到個msg，我就唔會發現咗佢地想俾我既驚喜。我睇咗之後，好努力嘗試扮冇睇過，但係見朋友們彼此之間既表情，再問我有冇睇whatsapp group既時候，我……忍唔住笑咗！然後成班朋友就不停咁話︰唉！豬隊友啊……所以，係呢個時候，蛋糕可以唔駛好驚喜咁出場啦！XD不過一見到個蛋糕，其實都有驚喜㗎！之前食過白色既天使蛋糕，又食過朱古力色既魔鬼蛋糕，今次係七彩顏色既彩虹蛋糕啊！望落去一層一層唔同顏色，好colourful，令人望見都興奮！買咗之後，連埋一盒棉花糖俾你倒係蛋糕上面。（當我正係到研究緊點樣倒上去時，我朋友好似掉垃圾咁倒咗上去～XD）我覺得我切蛋糕技術都認真唔錯！完美又平均地切開個蛋糕，再分俾每一個人！見到個蛋糕層次分明，一層海綿蛋糕，一層忌廉，中間又夾雜住唔同既水果，