龍麵館 (已結業)

是日為報答友人幫忙，系公司附近搵左間價錢合理又得體既餐廳請佢食飯一行三人平日八點左右到，坐滿八成，門口見到乳鴿做特價$25，超抵食，當然一坐低即刻叫左兩隻先啦，上枱夠熱，味道夠，但略嫌太瘦弱，不過咁既價錢唔會要求咁多，收貨再黎三碟前菜，茄子，素鵝卷同雞，買二送一，又係抵食之選，味道就不過不失，冇大驚喜，不過賣相唔錯。之後就到主菜，招牌龍蝦麵，牛肉麵，蠔飯，再黎個炸雲吞，因為敏感關係我就冇食到龍蝦麵，不過齋睇樣就唔錯，龍蝦夠大隻，友人都食到津津有味相反牛肉麵唔得，湯太清肉太散，麻麻地，炸雲吞一流，夠脆夠足料，而個蠔飯.....好腥，雖然好足料，好多隻蠔，但係食唔落，滯銷總括黎講，食物唔錯，環境一流，不過冷氣有d 過大，上菜後好快吹凍晒，埋單每人唔駛三百，會再翻叮