影片
更多
2011-11-19
8 瀏覽
一行四人，買左團購黎八景島食，最緊要係見到佢咁多生蠔款，諗住可以試下唔同味。食前已經成日睇住Openrice，心裡已經打左好壞嘅打算。聽聞話好凍，又冇熱茶，所以喺公司已經裝定1L熱水，又帶多件褸。又據聞會叫咩都唔黎。一入到去，見到枱面有四杯熱茶，冷氣亦唔係好凍，甚至要除褸添。心諗：「咦，好似有心改進咁喎。」我地叫左好多蠔，叫左啲蟹腳，蜆，同一啲熱食。首先上黎嘅係燒牛肉。都Okay嘅。(呢個時候心裡抱有期望，諗住仲可以俾個笑面佢添)之後再上吉列蠔，喂，好Okay喎，雖然唔係話超好，但任食黎講我收貨。但問題黎喇...上左一盤凍食(即生蠔、蜆等)。冇深究佢有冇黎齊咁多隻蠔，但食第一隻蠔...冇味嘅...食第二隻...又冇味...食第三隻...實在太令人憤怒喇!!!我地四個人，人人食左幾隻就唔再食，甚至叫佢地攞返走...中途插入左個海膽... Well... 有臭味囉...蜆，可能係個人問題，覺得有點嘔心，所以食左一隻冇再叫。蟹腳，可以話係全場唯一回本菜得黎又係食得入口。不過講明，你要10隻，佢有機會真係俾10隻你，但3隻係幼到你冇心機剪開，3個係無味嘅蟹腳連住個身位(即白色嗰啲)。Well.
食前已經成日睇住Openrice，心裡已經打左好壞嘅打算。聽聞話好凍，又冇熱茶，所以喺公司已經裝定1L熱水，又帶多件褸。又據聞會叫咩都唔黎。
一入到去，見到枱面有四杯熱茶，冷氣亦唔係好凍，甚至要除褸添。心諗：「咦，好似有心改進咁喎。」
我地叫左好多蠔，叫左啲蟹腳，蜆，同一啲熱食。
首先上黎嘅係燒牛肉。都Okay嘅。(呢個時候心裡抱有期望，諗住仲可以俾個笑面佢添)
之後再上吉列蠔，喂，好Okay喎，雖然唔係話超好，但任食黎講我收貨。
但問題黎喇...上左一盤凍食(即生蠔、蜆等)。冇深究佢有冇黎齊咁多隻蠔，但食第一隻蠔...冇味嘅...食第二隻...又冇味...食第三隻...實在太令人憤怒喇!!!我地四個人，人人食左幾隻就唔再食，甚至叫佢地攞返走...
中途插入左個海膽... Well... 有臭味囉...
蜆，可能係個人問題，覺得有點嘔心，所以食左一隻冇再叫。
蟹腳，可以話係全場唯一回本菜得黎又係食得入口。不過講明，你要10隻，佢有機會真係俾10隻你，但3隻係幼到你冇心機剪開，3個係無味嘅蟹腳連住個身位(即白色嗰啲)。Well... 好過冇... 呢個係唯一不斷Encore。
跟住仲試左其他嘢食:
1. 烏冬，10蚊4包嘅貨色，湯同麵都冇味
2. 壽司，啲飯太酸，壽司料雪到薑硬，鰻魚我冇食，但同行友人話有啲膠膠地嘅感覺
3. 雞軟骨，正常
Anyway... 你可以想像，呢間嘢唔食蠔，都唔知食咩好，食食下大家都冇癮。
另外一題，餐廳內唔算多人，但你舉手交紙仔或咩都好，都冇人會望過黎，啲人只係圍喺廚房傾計。同佢地反應啲蠔冇味，就「哦」一聲算數。
張貼