Yung Chicken Beer

營業中

休息中

之前有食過灣仔的李家，今日路過土瓜灣見到有李家，諗住都唔會差得去邊，咪入去試下。我地一行二人，叫左一隻原味雞，一碗年糕湯、一碟海鮮煎餅。首先講講海鮮煎餅，um........好似食緊唔熟嘅麵粉漿一樣。唔香、唔脆，酒樓嘅煎薄撐都好食過佢。年糕湯都可以，但嚟得李家，主菜一定係炸雞。但食左兩啖已經心中爆粗中！啲雞肉乾到呢，越食條脷越鞋，但由於餓到胃痛，都硬啃左幾嚿！老公都係餓疷一名，佢都一路食一路黑面，佢第一次食韓式炸雞，今次俾左個壞印象佢，可能之後都唔同我去食炸雞了。仲有，其實之前去開李家或韓兄弟，都會有凍麥茶或水飲，呢間～～～係乜都冇！就算問佢，佢都唔會俾，但你可以俾錢Order. 其實，佢啲雞已經好乾，乾啃真係好易會啃親的。總之，如果大家唔介意啲雞鞋烚烚，又冇水/茶飲，dry啃的話，可以去試下。但我同老公一定冇下次！亦會通知身邊朋友勿試呢。