寢宮

營業中

休息中

約咗朋友去諾士佛台飲嘢，呢間酒吧名叫寢宮。餐廳環境唔錯，有桌球枱仲有鞦韆可以打卡，仲有好多game可以玩，好似骰盅等，成個環境真係好有氣氛！最緊要都唔只係環境正，估唔到野食都好出色！首要推薦就是火焰烤雞！要等30分鐘左右，賣相好有特色，店員會點著杯酒淋落隻雞度，之後就燃起火焰，大概燒10零秒，表演完成，店員就會拎返去為客人切件，方便食用，呢個服務係好值得贊！雞肉肉質正好合適，肉質嫩滑，而皮就燒到香脆且薄皮。份量都十分滿足！黑松露意大利飯，份量比想像中多很多！意大利飯好creamy，非常濃郁嘅黑松露味！每啖都會食到菇，口感有層次。